Tækni- og þjónustustjóri

Vilt þú vera ráðgefandi og leiða framþróun á tækniumhverfi okkar lykil viðskiptavina? Við leitum að liðsfélaga í öflugt teymi tækni- og þjónustustjóra hjá Rekstrarlausnum Advania.

Við leitum að kraftmiklum, úrræðagóðum og metnaðarfullum einstakling með farsæla starfsreynslu í upplýsingatækni. Við bjóðum uppá spennandi og gott vinnumhverfi með fjölbreyttum verkefnum og tækifærum. Tækni- og þjónustustjóri getur ýmist verið staðsettur á starfstöðvum okkar í Reykjavík eða Akureyri.

Rekstrarlausnir Advania

Innan Rekstrarlausna starfa tæplega 200 einstaklingar við rekstur, þjónustu og ráðgjöf tengt öllu sem viðkemur tölvukerfum fyrirtækja og stofnana. Við bjóðum uppá fjölbreytt úrval lausna tengt netrekstri, afritunartöku, hýsingu og skýjalausnum.

Starfssvið

Tækni- og þjónustustjóri leiðir framþróun tækniumhverfis okkar stærstu viðskiptavina í samráði við sérfræðinga og rekstrarteymi innan Advania. Tæknistjórinn er fulltrúi viðskiptavina hjá Advania og ber að ráðleggja viðskiptavinum og taka ákvarðanir út frá þörfum, markmiðum og hagsmunum viðskiptavina.

Starfið felur meðal annars í sér ráðgjöf í upplýsingatækni, regluleg samskipti og samráðsfundi. Einnig þátttöku á vinnustofum og reglulega upplýsingagjöf um tæknilausnir og heilsufar tækniumhverfis viðskiptavina hverju sinni.

Þekking og reynsla

• Lágmark 5 ára reynsla í upplýsingatækni
• Reynsla af verkefnastjórnun, hóp- eða deildarstjórnun er kostur
• Rík þjónustulund og hæfni í mannlegum samskiptum
• Skipulögð vinnubrögð og geta til að vinna sjálfstætt
• Góð íslensku og enskukunnátta í töluðu og í rituðu máli
• Menntun sem nýtist í starfi
• Reynsla af ITIL er kostur

Ef þú hefur áhuga á starfinu en uppfyllir ekki allar kröfur þá hvetjum við þig samt sem áður til þess að sækja um, þú gætir einmitt verið einstaklingurinn sem við leitum að í þetta eða annað starf.