Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

Vinnustaðurinn

Sviðsstjóri fræðslu- og frístundasviðs Mosfellsbæjar

Við leitum að framsæknum og drífandi leiðtoga í starf sviðsstjóra fræðslu- og frístundasviðs Mosfellsbæjar. Leitað er að stjórnanda með skýra sýn og brennandi áhuga á fræðslu- og frístundamálum til að leiða málaflokkinn á miklum uppbyggingartímum í sveitarfélaginu.

Mosfellsbær er í fremstu röð þegar kemur að þjónustu við barnafjölskyldur og er lögð mikil áhersla á innleiðingu menntastefnu Mosfellsbæjar sem felur m.a. í sér að unnið er að velferð og vexti allra með jákvæðum samskiptum, valdeflingu og sveigjanleika að leiðarljósi. Þá er lögð rík áhersla á innleiðingu farsældarlaganna í Mosfellsbæ og starfsfólk fræðslu- og frístundasviðs og velferðarsviðs eiga í nánu samstarfi um það verkefni.

Fræðslu- og frístundasvið starfrækir fimm grunnskóla, átta leikskóla, frístundamiðstöðina Bólið, Listaskóla Mosfellsbæjar og öfluga skólaþjónustu. Sviðsstjóri heyrir beint undir bæjarstjóra og situr í yfirstjórn sveitarfélagsins.

Helstu verkefni og ábyrgð

Ábyrgð á stjórnun og framkvæmd fræðslu- og frístundamála
Undirbúningur mála fyrir fræðslunefnd og eftirfylgni með ákvörðunum nefndarinnar
Stefnumótun í fræðslu- og frístundamálum í samvinnu við fræðslunefnd
Ábyrgð á rekstri og stjórnsýslu sviðsins, þ.m.t. fjármálum og
starfsmannamálum
Forysta við þróun og innleiðingu nýjunga á sviði fræðslu- og
frístundamála ásamt mati á árangri og eftirliti
Yfirumsjón með framkvæmd laga og samþykkta um fræðslumál
Samráð við opinbera aðila, félagasamtök og aðra hagsmunaaðila á sviði fræðslu- og frístundamála

Menntunar- og hæfniskröfur

Háskólamenntun sem nýtist í starfi er skilyrði
Framhaldsmenntun sem nýtist í starfi er æskileg
Farsæl reynsla af stjórnun með mannaforráð er skilyrði
Víðtæk þekking á skóla- og frístundaumhverfi sveitarfélaga
Góð þekking á upplýsingatækni og hæfni til að tileinka sér tækninýjungar
Víðtæk reynsla og þekking á opinberri stjórnsýslu
Leiðtogahæfni og reynsla af breytingastjórnun og nýsköpun í starfi
Mikið frumkvæði og sjálfstæði í vinnubrögðum
Yfirburða samskiptahæfni og þjónustumiðuð hugsun
Mjög góð hæfni til að tjá sig í rituðu og töluðu máli, bæði á íslensku og ensku

Mosfellsbær leggur áherslu á jafnrétti og hvetur öll áhugasöm sem uppfylla hæfniviðmið til að sækja um starfið, óháð kyni, fötlun eða menningarlegum bakgrunni.

Laun eru samkvæmt samningi Sambands íslenskra sveitarfélaga og viðkomandi stéttarfélaga.
Umsóknarfrestur er til og með 10. júní 2024.

Umsókn um starfið skal skilað gegnum www.alfred.is og þarf henni að fylgja starfsferilskrá og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda sem nýtist í starfi.

Frekari upplýsingar um starfið veita Thelma Kristín Kvaran (thelma@intellecta.is) í síma
511 1225 og Kristján Þór Magnússon, sviðsstjóri mannauðs- og starfsumhverfis
Mosfellsbæjar (kristjan@mos.is) í síma 525 6700.

Auglýsing birt25. maí 2024

Umsóknarfrestur10. júní 2024

Tungumálahæfni