Mímir

Mímir-símenntun er fræðslufyrirtæki sem starfar á sviði framhaldsfræðslu og starfsmenntunar. Meginmarkmið Mímis-símenntunar er að skapa tækifæri til náms fyrir fólk með stutta formlega skólagöngu og hvetja fólk á vinnumarkaði til símenntunar og starfsþróunar. Annað meginmarkmið er að bjóða upp á fjölbreytta kennslu í íslensku sem öðru máli, sem og tungumálanámskeið. Skipulag námsins tekur mið af þörfum vinnandi fólks og atvinnulífsins hverju sinni.

Vinnustaðurinn

Sviðsstjóri fjármála- og rekstrar

Mímir-símenntun leitar að árangursdrifnum og umbótasinnuðum einstaklingi í starf sviðsstjóra fjármála og rekstrar.

Viðkomandi ber ábyrgð á daglegri stjórn fjármála og rekstri fyrirtækisins og leiðir öflugt teymi á því sviði. Sviðsstjóri heyrir undir framkvæmdastjóra og situr í framkvæmdastjórn fyrirtækisins.

Öll starfsemi Mímis byggir á teymishugsun þar sem samvinna, fagmennska og framsækni í sterkri liðsheild eru grundvallaratriði og starfsumhverfið er líflegt og skemmtilegt.

Helstu verkefni og ábyrgð

Ábyrgð á daglegri stjórn og verklagi fjármála og reikningshalds
Umsjón og eftirfylgni með uppgjörum og áætlanagerð
Ábyrgð á reikningagerð og innheimtu
Eftirlit, greining og gerð rekstraryfirlita og stjórnendaupplýsinga
Samskipti og samningagerð við fyrirtæki, sjóði, stofnanir og birgja
Ábyrgð á upplýsingatæknimálum og rekstri húsnæðis
Ábyrgð á gæðakerfi og starfsleyfum fyrirtækisins
Ábyrgð mannauðsmála á sviðinu
Önnur tilfallandi verkefni

Menntunar- og hæfniskröfur

Háskólamenntun sem nýtist í starfi, t.d. á sviði viðskipta eða fjármála er kostur
Árangursrík reynsla af sambærilegum verkefnum
Framúrskarandi samskipta- og leiðtogahæfni
Góð greiningarhæfni og gott vald á úrvinnslu og framsetningu fjármálaupplýsinga
Reynsla af innleiðingu breytinga og/eða sjálfvirknivæðingu er kostur
Skipulagshæfni, umbótahugsun og sjálfstæði í starfi
Heiðarleiki, drifkraftur og jákvætt viðmót
Gott vald á íslensku og ensku