Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Svæfingahjúkrunarfræðingur - Svæfingadeild Hringbraut

Við óskum eftir að ráða til starfa metnaðarfullan hjúkrunarfræðing með sérhæfingu í svæfingahjúkrun. Í boði er starf á frábærum vinnustað þar sem samvinna, faglegt starf, þróun og öryggi sjúklinga eru höfð að leiðarljósi. Unnið er í vaktavinnu samkvæmt vaktaskipulagi deildarinnar á bundnum vöktum og bakvöktum. Starfshlutfall er 80-100% starf og er starfið laust frá 1. febrúar 2025 eða eftir nánara samkomulagi.

Á svæfingadeild Landspítala við Hringbraut starfa rúmlega 40 svæfingahjúkrunarfræðingar við fjölbreytt og krefjandi verkefni, í nánu samstarfi við fagfólk í öðrum sérgreinum. Við bjóðum upp á góðan vinnustað þar sem áhersla er lögð á fagmennsku, framþróun og þjálfun eftir þörfum hvers og eins.

Helstu verkefni og ábyrgð

Svæfingar og deyfingar sjúklinga við skurðaðgerðir og önnur inngrip
Ákveða, skrá og veita hjúkrunarmeðferð í samráði við þarfir skjólstæðinga og bera ábyrgð á meðferð samkvæmt starfslýsingu og vinnureglum deildar
Símainnritun sjúklinga fyrir dagdeildaraðgerðir
Verkjaeftirliti ásamt öðrum sérhæfðum verkefnum á ýmsum deildum spítalans
Þátttaka í teymisvinnu og umbótastarfi deildar
Ýmis önnur verkefni

Menntunar- og hæfniskröfur

Íslenskt hjúkrunarleyfi
Viðbótarnám í svæfingahjúkrun er skilyrði
Áhugi á að taka þátt í framþróun hjúkrunar
Góð samskiptahæfni og jákvætt viðmót
Sjálfstæði og skipulögð vinnubrögð
Hæfni og geta til að starfa í teymi og takast á við breytingar
Góð íslenskukunnátta

Starfshlutfall: 80-100%

Starfið auglýst 27.11.2024. Umsóknarfrestur er framlengdur til og með 18.12.2024.

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, sérfræðingur í hjúkrun, hjúkrun

Tungumálahæfni: íslenska 4/5

Nánari upplýsingar

Guðbjörg Sigurgeirsdóttir, gudbjsig@landspitali.is, 825-3737

Svæfing H

Hringbraut

101 Reykjavík

Auglýsing birt27. nóvember 2024

Umsóknarfrestur18. desember 2024

Tungumálahæfni

Íslenska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (40)

Skrifstofustjóri klínískrar rannsókna- og stoðþjónustu