Laus störf Hæfnileit Vinnustaðir Námskeið

Fjölskyldusvið

Múlaþing er nýtt sveitarfélag á Austurlandi með rúmlega 5000 íbúum. Undir Fjölskyldusvið Múlaþings heyra félagsmál, fræðslumál, íþrótta- og æskulýðsmál.

Vinnustaðurinn

Sumarstörf með fötluðu fólki á Egilsstöðum

Um er að ræða vaktavinnu og í boði eru hlutastörf eða allt að 100% störf, ráðningartíminn er frá 15.maí eða eftir nánari samkomulagi. Næsti yfirmaður er forstöðuþroskaþjálfi búsetuþjónustu.

Í búsetuþjónustu er veitt aðstoð inn á heimilum fatlaðs fólks, við allar athafnir daglegs lífs s.s. heimilisstörf, persónulega aðstoð, félagslega þátttöku og tómstundir.

Leitað er að áhugasömu fólki með góða samskiptahæfileika og almenna kunnáttu í heimilisstörfum og umönnun. Launakjör eru samkvæmt kjarasamningum sveitarfélaga við viðkomandi stéttarfélög.

Um er að ræða skemmtileg og fjölbreytt störf sem henta ungmennum 18 ára og eldri sem og eldra fólki.

Helstu verkefni og ábyrgð

Aðstoð og stuðningur til þjónustunotenda til að lifa innihaldsríku lífi og til þátttöku í samfélaginu. Markmiðið er að efla færni, auka sjálfstæði, stuðla að jákvæðri sjálfsmynd og auka lífsgæði þjónustunotenda.

Menntunar- og hæfniskröfur

18 ára eða eldri
Sveigjanleiki og færni í mannlegum samskiptum.
Frumkvæði og sjálfstæði í starfi.
Íslenskukunnátta skilyrði.
Ökuréttindi eru æskileg.
Þekking og reynsla sem nýtist í starfi.
Hreint sakavottorð.

Fríðindi í starfi

Fæði á vinnutíma.

Launakjör eru samkvæmt kjarasamningum sveitarfélagsins og viðkomandi stéttarfélags.

Öllum umsóknum skal fylgja yfirlit yfir nám og/eða fyrri störf og kynningarbréf. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar um störfin veitir Oddný Bjarnadóttir, í síma 894 6124 á netfanginu [email protected]

Þeir sem ráðnir eru til starfa á fjölskyldusviði Múlaþings þurfa að veita heimild til að leitað sé upplýsinga úr sakaskrá hjá Ríkissaksóknara.

Tekið er mið af jafnréttisáætlun Múlaþings við allar ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt6. febrúar 2026

Umsóknarfrestur20. mars 2026

Tungumálahæfni