Laus störf Hæfnileit Vinnustaðir Námskeið

Vörður tryggingar

Vörður hefur það að markmiði að bjóða viðskiptavinum viðeigandi vátryggingarvernd á samkeppnishæfu verði. Félagið leggur áherslu á einföld og þægileg vátryggingaviðskipti og persónulega þjónustu. Vörður hefur á að skipa þjónustulipru og vel upplýstu starfsfólki sem vinnur í fjölbreyttu og hvetjandi starfsumhverfi. Lögð er áhersla á traust og áreiðanleika í samskiptum. Lykillinn að farsælum rekstri Varðar er fólkið sem þar starfar. Við leggjum áherslu á starfsánægju, jafnrétti, gott starfsumhverfi, markvissa fræðslu og þjálfun starfsfólks og skemmtilegan vinnustað þar sem hver einstaklingur hefur áhrif og skiptir máli.

Vinnustaðurinn

Sumarstörf hjá Verði

Við leitum að sjálfstæðum, jákvæðum, skemmtilegum og kraftmiklum einstaklingum sem hafa áhuga á spennandi sumarstörfum hjá Verði. Áhersla er lögð á framúrskarandi þjónustu svo við leggjum mikið upp úr þjónustulund, frumkvæði í starfi og afburða samskiptahæfni.  

Sumarstörfin eru fjölbreytt en fela meðal annars í sér þjónustu og samskipti við viðskiptavini okkar en einnig í t.d. gagnavinnslu og greiningum og ýmsum spennandi umbótaverkefnum. Hjá Verði starfar öflugur hópur fólks með fjölbreyttan bakgrunn og menntun s.s. verkfræði, hagfræði, lögfræði, hjúkrunarfræði, viðskiptafræði og ýmiss konar iðnmenntun s.s. bifvélavirkjun og húsasmíði.  

Menntunar- og hæfniskröfur

Framúrskarandi þjónustulund og góðir samskiptahæfileikar
Reynsla af þjónustustörfum er æskileg
Góð tölvukunnátta
Sjálfstæð vinnubrögð
Stúdentspróf

Umsóknarfrestur er til og með 28. febrúar 2026. Unnið er úr umsóknum jafnóðum svo við hvetjum áhugasöm til að sækja um sem fyrst. Öllum umsóknum verður svarað.

Nánari upplýsingar veita mannauðsráðgjafar okkar í gegnum netfangið [email protected].

Vörður er ört stækkandi tryggingafélag með höfuðstöðvar sínar í Arion banka.

Hlutverk Arion samstæðunnar er að vinna að markmiðum viðskiptavina, eigenda, starfsfólks og samfélagsins alls. Við bjóðum snjallar og traustar fjármálalausnir sem skapa viðskiptavinum, hluthöfum og samfélaginu öllu verðmæti til framtíðar. Starfsfólk samstæðunnar er fjölbreyttur hópur fólks sem á það sameiginlegt að hafa metnað fyrir störfum sínum. Við leggjum okkur fram við að byggja upp vinnustað þar sem kunnátta, þekking og færni fær að njóta sín og starfsánægja er mikil. Við virðum mannréttindi og jafnrétti í allri okkar starfsemi og leggjum kapp á að starfa í sátt við samfélagið og umhverfið. Þinn árangur er það sem við stefnum að. 

Ráðningarferli geta tekið misjafnlega langan tíma. Við leggjum okkur fram um að svara öllum umsóknum um leið og ákvörðun um ráðningu hefur verið tekin. Farið er með allar umsóknir sem trúnaðarmál. 

Upplýsingar um persónuvernd fyrir umsækjendur: Persónuvernd fyrir umsækjendur - Vörður 

Auglýsing birt21. janúar 2026

Umsóknarfrestur28. febrúar 2026

Tungumálahæfni