Sumarstörf hjá Landi og skógi Gunnarsholti

Land og skógur óskar eftir starfsfólki í sumarstörf við umhirðu í Gunnarsholti. Land og skógur er þekkingarstofnun á sviði gróður- og jarðvegsauðlinda og gegnir mikilvægu hlutverki við að bæta þessar auðlindir Íslands og stuðla að sjálfbærri nýtingu þeirra. Land og skógur sinnir vernd og endurheimt vistkerfa og ræktun skóga. Stofnunin starfar samkvæmt lögum um Land og skóg nr. 66/2023.