Sumarstörf 2026

Við hjá Íslandsbanka leitum að jákvæðu og metnaðarfullu fólki til fjölbreyttra sumarstarfa. Hjá okkur fær starfsfólk tækifæri til að vaxa, þróast og takast á við krefjandi verkefni í umhverfi sem byggir á trausti og fagmennsku. Ef þú ert að leita að vinnustað þar sem þú færð úrræði og stuðning til að ná árangri, þá er Íslandsbanki rétti staðurinn fyrir þig.

Við sækjumst eftir einstaklingum sem sýna framsækni, fagmennsku og vinna saman að því að finna bestu lausnir fyrir viðskiptavini. Aldursviðmið fyrir sumarstörf er 20 ár. Við leggjum áherslu á að fjárfesta í fræðslu og þjálfun og tryggja að styrkleikar hvers og eins fái að njóta sín. Samskipti eiga að vera opin, hreinskilin og uppbyggileg, þar sem gagnkvæm virðing ríkir. Við viljum að starfsfólk stuðli að góðum starfsanda, efli liðsheildina og styðji hvert annað.

Íslandsbanki er með um 750 starfsmenn sem deila ástríðu fyrir árangri og lausnamiðaðri þjónustu. Við vinnum að því að skapa virði til framtíðar með traustum rekstri og framúrskarandi þjónustu. Markmið okkar er að vera besti vinnustaður landsins þegar kemur að vexti og þróun í starfi. Við vinnum markvisst gegn kynbundnum launamun, stuðlum að jafnrétti og leggjum mikla áherslu á sjálfbærni og heimsmarkmið Sameinuðu þjóðanna.

Á hverju ári ráðum við um 100 manns í sumarstörf víðs vegar um landið, bæði í útibúum og á sviðum bankans. Við hvetjum umsækjendur til að senda metnaðarfulla umsókn og tilgreina áhugasvið og staðsetningu. Umsóknarferlið stendur fram í miðjan apríl og við lofum að upplýsa umsækjendur um stöðu mála eins fljótt og auðið er.