Sumarstarf í launadeild

Kópavogsbær óskar eftir sumarstarfsmanni til að sjá um laun á sumarstarfsstöðum bæjarins og aðstoða við aðra launavinnslu.

Á launadeild Kópavogsbæjar eru afgreidd laun fyrir um 3.000 manns í hverjum mánuði. Yfir sumartímann bætist mikið við þann fjölda og því eru fjölbreytt verkefni á launadeild sem þarf að sinna.

Unnið er einna helst með launa- og mannauðskerfi Kjarni og tímaskráningarkerfið Vinnustund.

Um er að ræða sumarstarf í öflugum hópi starfsfólks sem starfar á bæjarskrifstofum í góðu starfsumhverfi. Starfið hentar vel fyrir háskólanema.