Sumarstarf í íbúðakjarna fyrir fatlaða

Velferðarsvið Kópavogs óskar eftir sumarstarfsfólki til starfa í fjölbreytt og skemmtilegt starf í íbúðakjarna fyrir fatlað fólk.

Í Dimmuhvarfi búa 6 einstaklingar með einhverfu og skyldar raskanir. Unnið er eftir hugmyndafræðinni um sjálfstætt líf og þjónandi leiðsögn.

Um er að ræða fullt starf í blandaðri vaktavinnu á tímabilinu 15. maí til 31. ágúst 2023.

Fjölbreytt og krefjandi verkefni á skemmtilegum vinnustað.

Helstu verkefni og ábyrgð

Einstaklingsmiðaður, persónulegur stuðningur við allar athafnir daglegs lífs, bæði heima við sem og í námi, leik og starfi

Vera góð fyrirmynd

Stuðla að auknu sjálfstæði íbúa og samfélagsþátttöku

Taka þátt í meðferð sem miðar að því að minnka ögrandi hegðun íbúa

Samvinna við hæfingarstöð, samstarfsfólk og aðstandendur

Menntunar- og hæfniskröfur

Góð íslenskukunnátta

Reynsla af vinnu með fötluðu fólki er kostur

Hæfni í samskiptum og samstarfshæfileikar

Framtakssemi, sjálfstæði og frumkvæði í starfi

Jákvæðni og sveigjanleiki í starfi

Umsókn skal fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Allir einstaklingar óháð kyni eru hvött til að sækja um.

Um er að ræða sumarstarf í fullu starfi frá maí til ágúst eða eftir samkomulagi.

Laun eru samkvæmt kjarasamningum Sambands íslenskra sveitarfélaga við Starfsmannafélag Kópavogs.

Tekið er mið af jafnréttisstefnu Kópavogsbæjar við ráðningar.

Allir einstaklingar sem ráðnir eru til starfa á velferðarsvið Kópavogsbæjar þurfa að gefa heimild til upplýsingaöflunar úr sakaskrá og undirrita trúnaðaryfirlýsingu.

Umsóknarfrestur er til og með 31. mars.

Nánari upplýsingar um starfið veitir María Elísabet Hjarðar, forstöðumaður, í tölvupósti á mariaeh@kopavogur.is.

Eingöngu er tekið við umsóknum í gegnum ráðningavef Alfreðs.

Auglýsing stofnuð1. mars 2023

Umsóknarfrestur31. mars 2023

Starfstegund

Staðsetning

Dimmuhvarf 2, 203 Kópavogur

Tungumálakunnátta