Laus störf Hæfnileit Vinnustaðir Námskeið

Sumarstörf - Kópavogsbær

Kópavogsbær býður upp á fjölbreytt sumarstörf á hverju ári fyrir 18 ára og eldri. Í boði eru m.a. störf í Þjónustumiðstöð, garðyrkju, skógrækt, sundlaugum, íþróttavöllum, sumarnámskeiðum fyrir börn, skapandi sumarstörf og á bæjarskrifstofum svo eitthvað sé nefnt.

Vinnustaðurinn

Sumarstarf - Helgarvinna í Kópavogslaug

Laus eru til umsóknar sumarstörf í Kópavogslaug

Sundlaug Kópavogs er staðsett í vesturbæ Kópavogs stutt frá Hamraborginni og er einn stærsti sundstaður landsins. Þar eru sundlaugar úti og inni, ásamt heitum pottum, köldum potti, gufubaði og rennibrautum. Hjá lauginni eru á fjórða tug starfsmanna, 7 til 10 starfsmenn á hverri vakt.

Laugin er opin virka daga frá kl. 06:30 til 22:00 og um helgar frá 08.00 til 20.00. Vinnan hefst 15 mín. fyrir opnun og lýkur 30 mín. eftir lokun. Unnið er á tveimur vöktum virka daga en einni vakt um helgar.

Kópavogslaug auglýsir eftir sumarstarfsfólki í helgarstarf.

Allir starfsmenn fá kennslu í skyndihjálp, björgun og fleiru.

Helstu verkefni og ábyrgð

Laugarvarsla sem felst í öryggiseftirliti og þrifum við laugar bæði úti og inni.
Baðvarsla sem einkum er fólgin í þrifum í bað- og búningsklefum auk öryggisgæslu á þeim stöðum.
Afgreiðsla þar sem sala í laug og á ýmsum vörum fer fram, símsvörun, upplýsingagjöf, þrif og öryggiseftirlit.

Menntunar- og hæfniskröfur

Umsækjandi verður að vera orðið 20 ára.
Allgóð sundkunnátta er áskilin, því laugarverðir verða að standast sundpróf, sem er svipað og 10. sundstig grunnskóla.
Stundvísi, samstarfseiginleikar, reglusemi, vinnusemi, samviskusemi og þjónustulund eru eiginleikar sem við metum mikils.
Umsækjendur þurfa að hafa hreint sakavottorð.
Kópavogslaug er reyklaus vinnustaður.
Góð íslenskukunnátta.

Áríðandi er að upplýsingar um meðmælendur fylgi umsókninni.

Starfshlutfall: 26,3%.

Starfstímabil: Minni staðan frá miðjum maí til 31. september. Unnin er önnur hver helgi. Vinnutími frá klukkan 11:30 til 20:30 laugardag og sunnudag.

Námskeið og þjálfun fara fram dagana 18. til 21. maí.

Launakjör samkvæmt kjarasamningi Sambands íslenskra sveitarfélaga og Starfsmannafélags Kópavogs.

Umsóknarfrestur er til og með 3. mars.

Nánari upplýsingar gefur Jakob Þorsteinson forstöðumaður í netfanginu [email protected]

Auglýsing birt25. febrúar 2026

UmsóknarfresturEnginn

Tungumálahæfni

Íslenska

Nauðsyn

Mjög góð

Staðsetning

Borgarholtsbraut 17, 200 Kópavogur

Starfstegund

Hæfni

AfgreiðslaReyklausSamviskusemiStundvísiSundÞjónustulundÞrif

Vinnuumhverfi

Starfsgreinar

Starfsmerkingar

Fleiri störf (18)

Molinn - miðstöð unga fólksins, auglýsir eftir umsóknum í skapandi sumarstörf 2026