Sumarstarf á skammtímaheimili fatlaðra

Velferðarsvið Kópavogs óskar eftir sumarstarfsfólki 18 ára og eldri til starfa á skammtímaheimili fyrir ungt fatlað fólk í Kópavogi.

Á heimilinu sækja tíu einstaklingar þjónustu, fimm í einu og þar er lögð áhersla á að þjónustunotendur búi sig undir flutninga að heiman. Starfið felst í því að veita aðstoð og leiðbeiningar við allt er lýtur að daglegu lífi þjónustunotenda bæði inni á heimilinu og utan þess.

Um er að ræða sumarstarf í allt að 90% starfshlutfalli eða eftir samkomulagi þar sem unnið er að jafnaði aðra hverja helgi og virka daga á blönduðum vöktum sem eru morgunvaktir, millivaktir, kvöldvaktir og næturvaktir.

Starfið er sumarstarf en með möguleika á áframhaldandi starfi.