Ás styrktarfélag

Ás styrktarfélag er sjálfseignarstofnun með þjónustu við fatlað fólk og hefur í gegnum árin komið á fót umfangsmiklum rekstri. Þá hefur félagið notið velvilja og hafa einstaklingar, félagasamtök og fyrirtæki átt drjúgan þátt í að styðja félagið til vaxtar. Í dag veitir Ás styrktarfélag hátt á fjórða hundrað manns þjónustu í formi búsetu, dagþjónustu og vinnu. Starfsmenn félagsins eru rúmlega 440 í tæplega 300 stöðugildum. Félagið veitir fólki með fötlun fjölbreytta og metnaðarfulla þjónustu. Félagið hefur að geyma framsækinn starfsmannahóp og góðan starfsanda sem skilar sér í faglegu og áhugaverðu starfi.

Vinnustaðurinn

Stuðningsráðgjafi á heimili á Kirkjubraut Seltjarnarnesi

Viltu taka á þig auka ábyrgð ?

Ás styrktarfélag leitar að drífandi og áhugasömu starfsfólki til að starfa á heimili fyrir fólk með fötlun á Kirkjubraut 20, Seltjarnarnesi. Sex íbúðir eru í húsinu auk starfsmannaaðstöðu.

Leitað er eftir stuðningsráðgjafa og er fólk á aldursbilinu 30 ára og eldra sérstaklega hvatt til að sækja um vegna samsetningar í starfsmannahópnum sem fyrir er.

Starfshlutfall 50-100 %, allar tegundir vakta og önnur hver helgi

Helstu verkefni og ábyrgð

Vaktstjóri sem stýrir verkefnum vaktar og leiðbeinir öðru starfsfólki í fjarveru stjórnenda
Tengiliður íbúa
Aðstoðar íbúa til sjálfshjálpar og stuðlar að þátttöku þeirra í samfélaginu
Aðstoðar og styður íbúa við athafnir daglegs lífs og við heimilishald
Setur sig inn í tjáningarform eða sérstakar aðstæður íbúa
Fylgist með andlegri og líkamlegri líðan íbúa og aðstoðar þá við heilsufarslega þætti

Menntunar- og hæfniskröfur

Háskólamenntun og/eða haldbær reynsla af sambærilegum störfum
Frumkvæði og sjálfstæði í starfi, sveigjanleiki, jákvæðni og hæfni í mannlegum samskiptum
Íslenskukunnátta

Umsækjendur þurfa að hafa hreint sakavottorð.

Stöðurnar eru lausar strax eða eftir nánara samkomulagi.

Vakin er athygli á að umsækjandi þarf að skila inn sakarvottorði (af island.is) ef af ráðningu verður. Stjórnandi biður um þau gögn fyrir atvinnuviðtal.

Laun eru samkvæmt gildandi kjarasamningum Áss styrktarfélags.

Ás styrktarfélag hefur fengið vottun á jafnlaunakerfi sitt samkvæmt ÍST 85:2012. Meginmarkmið jafnlaunavottunar er að vinna gegn kynbundnum launamun og stuðla að jafnrétti kynjanna á vinnumarkaði.

Auglýsing birt17. janúar 2025

UmsóknarfresturEnginn

Tungumálahæfni