Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Stuðningsfulltrúi óskast á skammtímadvöl fyrir fötluð ungmen

Skammtímadvölin Holtavegi leitar að metnaðarfullum og jákvæðum stuðningsfulltrúa til starfa í skammtímadvöl fyrir fötluð börn og ungmenni. Stuðningsfulltrúi vinnur eftir stefnu Reykjavíkurborgar í málefnum fatlaðs fólks með það að markmiði að efla færni meðal annars með að auka sjálfstæði, stuðla að jákvæðri sjálfsmynd og auka lífsgæði þeirra sem við þjónustum.

Helstu verkefni og ábyrgð

Styður og hvetur einstaklinga við athafnir daglegs lífs og allt sem viðkemur heimilishaldi og sjálfshjálp.

Sinnir umönnun og er vakandi yfir andlegri og líkamlegri líðan einstaklinganna.

Styður einstaklinga til félagslegrar þátttöku s.s. rækta félagstengsl, stunda afþreyingu, sækja menningarviðburði og íþróttir.

Framfylgir einstaklingsáætlunum í samráði við einstaklinga og ábyrgðaraðila.

Tekur þátt í starfsmannafundum og teymisvinnu sem tengjast starfinu.

Önnur þau störf sem starfsmanni kunna að vera falin af yfirmanni.

Menntunar- og hæfniskröfur

Góð almenn menntun.

Reynsla af vinnu með fötluðu fólki æskileg.

Sveigjanleiki og hæfni í mannlegum samskiptum.

Frumkvæði, jákvæðni og sjálfstæð vinnubrögð.