Stuðningsfulltrúi og umsjónarmaður dægradvalar Víkurskóla

Við óskum eftir einstaklingi í starf stuðningsfulltrúa við Víkurskóla til að sjá um dægradvöl skólans. Leitað er að aðila með hæfni til að starfa með nemendum á öllum stigum og hæfni til að skapa hlýlegt og öruggt umhverfi þar sem leikur og samvera eru í forgrunni. Um fullt starf er að ræða.

Um Víkurskóla

Í Víkurskóla er leitast við að búa nemendum hvetjandi námsumhverfi. Áhersla er lögð á samstarf kennara og annarra starfsmanna um fjölbreytta kennsluhætti. Víkurskóli er heilsueflandi skóli og vinnur í anda uppbyggingarstefnunnar, Uppeldis til ábyrgðar. Víkurskóli er jafnframt einn af jarðvangsskólum Kötlu Geopark. Lögð er áhersla á samvinnu og sameiginlega ábyrgð starfsmanna á verkefnum skólans. Skólinn hefur um árabil tekið þátt í fjölþjóðlegu samstarfi í gegnum Erasmus+.

Helstu verkefni og ábyrgð:

• Aðstoðar nemendur og ýtir undir færni og sjálfstæði þeirra
• Vinnur eftir áætlun sem útbúin hefur verið í samráði við kennara, sérkennara og aðra ráðgjafa
• Gæsla nemenda í frímínútum
• Situr fag-, teymis- og foreldrafundi eftir því sem við á
• Þátttaka í starfi grunnskóla í samráði og að óskum skólastjóra
• Umsjón og ábyrgð á skipulagi daglegs starfs dægradvalar í samráði við aðra starfsmenn og stjórnendur
• Samstarf og samskipti við þjónustunotendur og fjölskyldur þeirra

Menntunar- og hæfniskröfur:

• Menntun sem nýtist í starfi
• Reynsla af starfi með börnum er æskileg
• Góð íslenskukunnátta á stigi C1 samkvæmt evrópska tungumálarammanum
• Samskipta- og samstarfshæfni
• Frumkvæði og faglegur metnaður í starfi
• Jákvæðni og sveigjanleiki er nauðsynlegur eiginleiki

Við bjóðum upp á:

• Aðstoð við flutning og öflun húsnæðis.
• Mjög góðan starfsanda og liðsheild
• Fjölbreytt og öflugt skólastarf

Umsóknarfrestur til og með 1. júní nk. Staðan eru laus frá 1. ágúst 2025. Umsókn óskast fyllt út á www.intellecta.is og þarf henni að fylgja ítarleg starfsferilskrá og kynningarbréf þar sem gerð er grein fyrir hæfni umsækjanda sem nýtist í starfi. Launakjör eru samkvæmt samningi LN og viðkomandi stéttarfélags. Umsóknir gilda í 6 mánuði frá því að umsóknarfrestur rennur út. Öllum umsóknum verður svarað að ráðningu lokinni.

Nánari upplýsingar veitir Elín Einarsdóttir skólastjóri í síma 4871242 / 7761320, jafnframt heimasíða skólans www.vikurskoli.is