Laus störf Hæfnileit Vinnustaðir Námskeið

Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Stuðningsfulltrúi - Áslandsskóli

Um er að ræða 50%-100 starf sem felur í sér stuðning og aðstoð við nemendur á öllum þremur skólastigunum, yngsta stig, miðstig og elsta stig. Ráðið verður í stöðuna frá 1.ágúst 2023

Áslandsskóli var stofnaður árið 2001 og er staðsettur í Áslandsshverfi í Hafnarfirði. Áslandsskóli er heildstæður grunnskóli með 1.-10.bekk og eru nemendur um 500 talsins. Einkunnarorð Áslandsskóla eru samvinna, ábyrgð, tillitsemi og traust. Áslandsskóli er heilsueflandi grunnskóli og er unnið markvisst að þeim málum innan skólans. Lögð er áhersla á að nemendur fái námsefni við hæfi og þrói þannig og þroski hæfileika sína með markvissum hætti. Í skólanum er lögð áhersla á vellíðan nemenda og góðan námsárangur.

Í skólanum er unnið eftir SMT skólafærni þar sem lögð er áhersla á að nálgast nemendur á jákvæðan hátt, gefa góðri hegðun gaum, styrkja og efla jákvæð samskipti milli nemenda og skapa jákvæðan skólabrag.

Skólinn byggir stefnu sína á fjórum stoðum náms og menntunar sem eru: Allar dygðir, Hnattrænn skilningur, Þjónusta við samfélagið, Að gera allt framúrskarandi vel.

Menntunar- og hæfniskröfur

Gerð er krafa um sérstakt nám fyrir stuðningsfulltrúa, t.d. úr Borgarholtsskóla eða sambærilegt nám

Reynsla af starfi með börnum er æskileg

Góð íslenskukunnátta

Almenn tölvukunnátta

Mikill áhugi og metnaður til að starfa með börnum

Uppbyggjandi í samskiptum, sveigjanleiki og mikil samstarfshæfni

Frumkvæði og sjálfstæði í vinnubrögðum

Stundvísi og samviskusemi

Helstu verkefni og ábyrgð

Er stuðningur við börn í kennslustundum og á opnum svæðum

Aðstoðar við almennt bekkjarstarf undir leiðsögn kennara

Starfar á frístundaheimili og á sumar- og leikjanámskeiðum

Tekur á móti nemendum og aðstoðar

Sinnir gangavörslu og eftirliti með húsnæði og búnaði, heldur göngum og snyrtingum snyrtilegum yfir daginn

Aðstoðar í matsal og við undirbúning matmálstíma

Sinnir frímínútnagæslu, fylgd og gæslu í daglegu skólastarfi

Fylgist með og aðstoðar börnin í leik og starfi

Önnur verkefni skv. starfslýsingu og sem yfirmaður felur starfsmanni

Gerð er krafa um hreint sakavottorð við ráðningu.

Ef ekki fæst einstaklingur í starfið sem uppfyllir námskröfur fyrir stuðningsfulltrúa, kemur til greina að ráða inn einstakling í starfsheitið: Skóla og frístundaliði.

Nánari upplýsingar um starfið veitir Unnur Elfa Guðmundsdóttir skólastjóri, [email protected], og Hálfdan Þorsteinsson aðstoðarskólastjóri [email protected] eða í síma 585-4600.

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Umsóknarfrestur er til og með 1.júní 2023

Greinargóð ferilskrá fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagins

Auglýsing birt8. maí 2023

Umsóknarfrestur1. júní 2023

Tungumálahæfni

Engar sérstakar tungumálakröfur

Staðsetning

Kríuás 1, 221 Hafnarfjörður

Starfstegund

Starfsgreinar

Starfsmerkingar

Fleiri störf (13)

Starfsmaður óskast í afleysingu í Miðstöðina - úrræði fyrir fatlað fólk

Hafnarfjarðarbær