Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Stuðningsfulltrúi á íbúðakjarna – 80% vaktavinna

Norðurmiðstöð óskar eftir að ráða öflugan og metnaðarfullan stuðningsfulltrúa til starfa á íbúðakjarna fyrir geðfatlaða á Bríetartúni. Á staðnum ríkir góður starfsandi þar sem gleðin er ávallt í fyrirrúmi.

Unnið er eftir hugmyndafræðinni um sjálfstætt líf og batamiðaða nálgun, þar sem áhersla er lögð á einstaklingsmiðaðan stuðning. Markmið þjónustunnar er að mæta þörfum íbúa á heildstæðan og einstaklingsmiðaðan hátt með áherslu á valdeflingu og aukin lífsgæði. Lögð er áhersla á gott starfsumhverfi, heilsueflingu og sveigjanleika í starfi.

Um er að ræða 80% vaktavinnu, og er unnið á blönduðum dag-, kvöld-, helgar- og næturvöktum. Starfið er laust frá desember 2024.

Helstu verkefni og ábyrgð

Hvetur og styður einstaklinga til sjálfstæðs lífs með valdeflandi stuðningi og aðstoð.
Styður einstaklinga við athafnir daglegs lífs og samfélagslegrar þátttöku, s.s. heimilisþrif, eldamennsku, atvinnu, stunda afþreyingu, sækja íþrótta- og menningarviðburði og við að rækta félagstengsl.
Sinnir umönnun og er vakandi yfir andlegri og líkamlegri líðan einstaklinga og aðstoðar þá varðandi heilsufarslega þætti eftir þörfum hverju sinni.
Þátttaka í sköpun og þróun nýrra tækifæra fyrir íbúa.
Fylgir eftir þjónustuáætlunum og verklagsreglum í samráði við deildarstjóra og forstöðumann.
Unnið eftir stefnu Reykjavíkurborgar í þjónustu við fatlað fólk.

Menntunar- og hæfniskröfur