Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Starfsþróunarár ljósmæðra 2026-2027

Lausar eru til umsóknar stöður ljósmæðra á starfsþróunarári í barneignarþjónustu á Landspítala, á fæðingarvakt (23B), meðgöngu-og sængurlegudeild (22A) og bráðaþjónustu kvennadeilda (21B).

Á deildunum er veitt fjölbreytt þjónusta á meðgöngu, í fæðingu og eftir fæðingu. Einnig er veitt bráðaþjónusta í tengslum við barnsburð og sjúkdóma í kvenlíffærum.

Störfunum fylgir skipulagt starfsþróunarár þar sem veitt er fræðsla á fjölbreytilegu formi ásamt stuðningi í starfi. Ráðningartími er 1 ár og er ráðið í störfin frá 1. september 2026 í 80-100% starfshlutfall. Skipulögð starfsþróun er 10% starfshlutfall. Ráðningastaður er skv. nánara samkomulagi.

Vinnuvika starfsfólks í fullri vaktavinnu er 36 stundir og getur enn orðið minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Íslenskt ljósmóðurleyfi

Sjálfstæði í vinnubrögðum og hæfni til að vinna í teymi

Góð samskiptahæfni og jákvætt viðhorf

Faglegur metnaður og frumkvæði í starfi

Reynsla af hjúkrunarstörfum er kostur

Helstu verkefni og ábyrgð

Sérhæfð meðgönguvernd og bráðaþjónustu í tengslum við barnsburð og bráð vandamál í kvenlíffærum

Fæðingarhjálp

Umönnun sængurkvenna og nýbura

Þátttaka í faglegri þróun

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Starfsmerkingar: Heilbrigðisþjónusta, ljósmóðir

Tungumálahæfni: íslenska 4/5

Nánari upplýsingar

María Guðrún Þórisdóttir

Tölvupóstur: [email protected]

Sími: 899 0101

Jóhanna Ólafsdóttir

Tölvupóstur: [email protected]

Sími: 621 8555

Auglýsing birt12. febrúar 2026

Umsóknarfrestur2. mars 2026