Starfsþjálfun í áfengis- og vímuefnaráðgjöf

Lausar eru til umsóknar launaðar stöður í starfsþjálfun í áfengis- og vímuefnaráðgjöf

SÁÁ er leiðandi í heilbriðgisþjónustu við fólk með fíknsjúkdóm og fjölskyldur þeirra og saman sköpum við allt annað líf. Hjá SÁÁ bjóðum við upp á launaða starfsþjálfun í 100% starfshlutfalli fyrir þá sem hyggjast starfa sem áfengis- og vímuefnaráðgjafar.

Starfsþjálfun hjá SÁÁ uppfyllir skilyrði um þjálfun sett af Embætti Landlæknis til löggildingar. Nemar eru undir handleiðslu fagfólks með sérþekkingu á fíknsjúkdómi og hljóta alhliða þjálfun í að styðja skjólstæðinga og aðstandendur þeirra til jákvæðra breytinga m.a. með samtölum, viðtölum, fræðslu og hópavinnu og veita þeim stuðning í gegnum viðeigandi meðferð og annað sem starfsgreinin tekur til.