Starfsmaður viðhaldsstarfa fasteignaþjónustu
Heilsugæsla höfuðborgarsvæðisins, HH, leitar að jákvæðum og öflugum starfsmanni í umsjón og viðhald á starfsstöðum HH.
HH er næst stærsta heilbrigðisstofnun landsins þar sem starfa um 1.000 starfsmenn. Starfræktar eru 15 heilsugæslustöðvar en auk þess eru 8 starfsstöðvar á sviði geðheilsu og 8 aðrar starfsstöðvar á sviði sérþjónustu víðsvegar um höfuðborgarsvæðið. Óskað er eftir starfsmanni viðhaldsstarfa til að þjónusta starfsstöðvar HH í nánu samstarfi við aðra starfsmenn á sviði eigna og innkaupa.
Æskilegt er að viðkomandi geti hafið störf fljótlega eða eftir nánara samkomulagi.
Heilsugæsla höfuðborgarsvæðisins leitast við að hafa í sínum röðum framúrskarandi starfsfólk á sínu fagsviði sem nýtir þekkingu sína og færni í að veita sem bestu þjónustu. Við hvetjum því öll til að sækja um starfið.
- Almenn viðhaldsvinna
- Flutningar, uppsetningar og samsetningar á innanstokksmunum, innréttingum og öðru sambærilegu á starfsstöðvum HH
- Eftirfylgni með góðu aðgengi góðri ásýnd starfsstöðva HH
- Önnur tilfallandi verkefni
- Sveinspróf í iðngrein æskileg
- Bílpróf
- Hæfni og reynsla til að sinna almennu viðhaldi fasteigna
- Framúrskarandi samskiptahæfileikar, rík þjónustulund og jákvætt hugafar
- Sjálfstæði í vinnubrögðum og hæfni til að geta skipulagt og forgangsraðað verkefnum
- Góð almenn tölvukunnátta
- Íslenskukunnátta æskileg og/eða góð almenn enskukunnátta