Starfsmaður í notendaþjónustu

Við leitum að þjónustulunduðum liðsfélaga til að sinna tölvuþjónustu við notendur ráðuneyta og stofnana. Ef þú vilt vera hluti af öflugu og skemmtilegu teymi þar sem teymisvinna og þjónusta við Microsoft lausnir eru í forgrunni þá er þetta tækifæri fyrir þig.

Umbra - þjónustumiðstöð Stjórnarráðsins veitir ráðuneytum og stofnunum fjölbreytta þjónustu á sviði upplýsingatækni og annars sameiginlegs reksturs. Starfsfólk Umbru er um 50 talsins, með fjölbreyttan bakgrunn og á það sameiginlegt að hafa gaman í vinnunni. Við trúum á frjótt og opið vinnuumhverfi þar sem starfsfólk hefur rödd og áhrif. Starfsánægjan er mikil, andinn er góður og við viljum fá ferskar hugmyndir frá nýjum liðsfélögum.

Við erum í spennandi vegferð við að auka samrekstur, bæta tæknilega innviði og skapa umhverfi sem styður við aukna sjálfvirkni og samvinnu hjá ríkisaðilum. Framundan er áframhaldandi innleiðing og stuðningur við Microsoft 365 skýjalausnir með uppbyggingu öflugs þjónustukjarna sem stuðlar að skilvirkum og öruggum rekstri á upplýsingatækni ríkisins í góðu samstarfi við tæknibirgja.

Helstu verkefni og ábyrgð:

• Almenn þjónusta við notendur þar sem áhersla er á þjónustu við Microsoft skýjalausnir
• Uppsetning og rekstur á endabúnaði
• Gerð leiðbeininga og skjölun á þjónustuferlum
• Þátttaka í kerfisstjórn og teymisvinnu við fjölbreytt þróunar- og þjónustuverkefni

Menntunar- og hæfniskröfur:

• Menntun og þekking sem nýtist í starfi
• Þekking á Microsoft notendalausnum, m.a. Microsoft 365 og Teams er kostur
• Mjög góð samskiptahæfni ásamt frumkvæði og ríkri þjónustulund
• Metnaður til að ná árangri og hæfni til að tileinka sér nýjungar og breytingar
• Ögun í vinnubrögðum, sjálfstæð vinnubrögð og hæfni til teymisvinnu
• Góð kunnátta í íslensku og ensku í ræðu og riti

Umsóknarfrestur er til og með 17. mars 2025. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf, hvort tveggja á íslensku, þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir einstaklingar, óháð kyni, eru hvattir til að sækja um.

Laun eru samkvæmt kjarasamningi fjármála- og efnahagsráðherra f.h. ríkissjóðs og hlutaðeigandi stéttarfélags. Öllum umsóknum verður svarað þegar ákvörðun um ráðningu liggur fyrir. Umsóknir geta gilt í sex mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum, með síðari breytingum.

Nánari upplýsingar veita Sigríður Svava Sandholt ([email protected]) og Lea Kristín Guðmundsdóttir ([email protected]) í síma 511-1225.