Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með 25 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa um 3500 sérfræðingar í upplýsingatækni.

Vinnustaðurinn

Starfsmaður í innkaup og lager

Advania leitar eftir lausnamiðuðum einstaklingi til starfa í innkaupum og á lager.

Starfið er mjög fjölbreytt. Það býður upp á margvísleg skemmtileg verkefni og gríðarlega gott tækifæri til að læra nýja hluti. Til dæmis samskipti við birgja, gerð og bókun innkaupapantana, tollskýrslugerð, móttaka vara inn á lager, tínsla á vörum í pantanir og margt fleira. Starfið felur í sér nána samvinnu við sölu- og fjármálasvið fyrirtækisins.

Þú þarft ekki að vera reynslubolti, en við leitum að metnaðarfullum einstaklingi sem er fljótur að læra og tileinka sér nýja hluti og hefur brennandi áhuga á að veita góða þjónustu.

Helstu verkefni:

Gerð og bókun innkaupapantana
Flutnings- og tollamál
Samskipti við birgja og samstarfsaðila
Almenn lagerstörf og tiltekt á vörum

Menntunar- og hæfniskröfur:

Góð tölvukunnátta
Reynsla af notkun Navision er kostur
Reynsla af vörustýringu og erlendum birgjasamskiptum er kostur
Frumkvæði og sjálfstæði í starfi
Góð hæfni í mannlegum samskiptum
Góð íslensku- og enskukunnátta

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 22. janúar 2025
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Hanna María Þorgeirsdóttir, hanna.maria.thorgeirsdottir@advania.is / 4409000.

Auglýsing birt10. janúar 2025

Umsóknarfrestur22. janúar 2025

Tungumálahæfni