Starfsmaður í dagþjálfun - Sumarstarf

Leitað er að öflugu og jákvæðu starfsfólki í sumarstörf við dagþjálfanir. Dagþjálfanirnar eru staðsettar við Spöngina í Grafarvogi, Eirhamra Mosfellsbæ og Skjól hjúkrunarheimili við Kleppsveg og eru sérhæfðar dagþjálfanir fyrir einstaklinga með heilabilun, Alzheimer eða aðra skylda sjúkdóma.

Starfshlutfall er 80-100% á dagvinnutíma.

Í dagþjálfun er lögð áhersla á jákvæðni og hlýju í samskiptum og hvatningu skjólstæðinga til þátttöku í starfi sem viðheldur líkamlegri, vitrænni og félagslegri færni.

Starfsfólk dagþjálfunar undirbýr, aðstoðar og leiðbeinir hópastarfi, handverki, leikfimi og almennri samveru. Einnig sinnir starfsfólk undirbúningi og frágangi eftir máltíðir og aðstoðar við böðun og aðrar athafnir daglegs lífs.

Þjónustan er sniðin að þörfum, áhuga og getu hvers einstaklings og er sveigjanleiki lykilhugtak í þjónustunni. Mikið er lagt upp úr góðum anda og afslöppuðu en virku andrúmslofti.