Starfsfólk í skógrækt og umhirðu

Skógræktarfélag Reykjavíkur er sjálfstætt starfandi áhugamannafélag sem vinnur að skógrækt og landbótum ásamt uppbyggingu og umhirðu útivistarsvæða. Heiðmörk er í umjón félagsins en svæðið nýtur mjög mikilla vinsælda og eykst fjöldi gesta ár frá ári.

Starfsfólk í vinnuflokki Skógræktarfélags Reykjavíkur í Heiðmörk sinnir gróðursetningum og almennri umhirðu svo sem ruslatínslu, grasslætti, þrifum, málun og annarri útivinnu. Einnig tekur hópurinn þátt í vinnu við stígagerð ásamt öðrum tilfallandi verkefnum. Um er að ræða tímabundið sumarstarf.