Laus störf Hæfnileit Vinnustaðir Námskeið

Fjölskyldusvið

Múlaþing er nýtt sveitarfélag á Austurlandi með rúmlega 5000 íbúum. Undir Fjölskyldusvið Múlaþings heyra félagsmál, fræðslumál, íþrótta- og æskulýðsmál.

Vinnustaðurinn

Starfsfólk í félagsmiðstöðina á Seyðisfirði

Auglýst er eftir frístundaleiðbeinendum í tímabundna tímavinnu hjá félagsmiðstöðinni á Seyðisfirði.

Viðkomandi starfar með forstöðumanni félagsmiðstöðvarinnar og sinna opnunum og öðrum tilfallandi verkefnum í félagsmiðstöðinni.

Markmið starfsins er að bjóða upp á heildstæða og faglega þjónustu þar sem uppeldisgildi frítímastarfs eru höfð að leiðarljósi. Í því felst að skapa umhverfi og aðstæður þar sem hægt er að þjálfa lykilfærni hjá börnum og unglingum með áherslu á samskiptafærni, félagsfærni, virkni og þátttöku ásamt styrkingu sjálfsmyndar.

Ráðið verður frá og með næstu áramótum og ráðið er út maí. Næsti yfirmaður er forstöðurmaður félagsmiðstöðvarinnar á Seyðisfirði.

Helstu verkefni og ábyrgð

Sinnir vöktum í félagsmiðstöðvum og öðru starfi eftir atvikum.
Skipuleggur starfið í samráði við forstöðufólk.
Sér til þess að húsnæði sé tilbúið til notkunar þegar starf hefst og að frágangur húsnæðis sé viðunandi að vinnudegi loknum.
Sækir fræðslu í samráði við annað starfsfólk sviðsins.
Sækir viðburði með börnum- og unglingum á vegum félagsmiðstöðvarinnar.

Menntunar- og hæfniskröfur

Reynsla af starfi með börnum og ungmennum er mikill kostur sem og þekking á málaflokknum.
Umsækjandi þarf að vera orðinn 18 ára gamall og hafa hreint sakavottorð skv. 10. gr. Æskulýðslaga (lög nr. 70/2007).
Snyrtimennska, góð samskiptahæfni og rík þjónustulund.
Heiðarleiki og stundvísi, auk þess sem starfsmaður þarf að vera umburðalyndur.
Er góð fyrirmynd.

Allir umsækjendur þurfa að gefa leyfi fyrir að upplýsinga um þá sé aflað úr sakaskrá, sbr. 3.-4. mgr. 10. gr. laga nr.70/2007 og uppfylla þau skilyrði sem koma fram í 2. mgr. 10. gr. sömu laga.

Launakjör eru samkvæmt kjarasamningum sveitarfélaga við viðkomandi stéttarfélag

Öllum umsóknum skal fylgja yfirlit yfir nám og/eða fyrri störf og kynningabréf.

Nánari upplýsingar um störfin veitir Emil Smári Guðjónsson í gegnum netfangið [email protected]

Vinnustaðir Múlaþings eru tóbakslausir og fjölskylduvænir. Tekið er mið af jafnréttisáætlun Múlaþings við ráðningar í störf hjá sveitarfélaginu.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Auglýsing birt25. nóvember 2025

Umsóknarfrestur9. desember 2025

Tungumálahæfni