ÞH Blikk ehf. var stofnað á Selfossi í maí 1991. Hjónin Þröstur Hafsteinsson blikksmíðameistari og Hrafnhildur Karlsdóttir, ráðgjafi í leik- og grunnskólum hafa verið eigendur og stjórnendur fyrirtækisins frá upphafi. ÞH Blikk annast alla almenna blikksmíðavinnu og þar starfa 11 manns sem mynda öflugan, samheldinn og metnaðarfullan hóp. Helstu verkefni ÞH Blikk eru: Smíði, uppsetning og þjónusta á loftræstikerfum Utanhússklæðningar Einangrun og klæðning hitaveitulagna Smíði og uppsetning á innréttingum og háfum í stóreldhús Áfellur, rennur og niðurföll Aðeins er unnið með gæðavörur frá viðurkenndum framleiðendum. Blikksmíði á rætur í gömlu handverki og þekkingu á eiginleikum málma. Greinin hefur þróast í gegnum tíðina og byggir vinnan enn á vönduðu handverki en einnig á nútíma tækninýjungum í greininni. Vélbúnaður í ÞH Blikk telur m.a. tölvustýrða plasmaskurðarvél, tölvustýrða beygjuvél og tölvustýrðan fjöllokk svo eitthvað sé nefnt. Viðskiptavinir ÞH Blikk eru að mestu leyti á Suðurlandi og á höfuðborgarsvæðinu og hafa margir hverjir haldið tryggð við fyrirtækið um áraraðir. Verkefni síðustu ára hafa verið fjölbreytt og má sem dæmi nefna: Byggingar leik- og grunnskóla Stækkun íþróttamannvirkja Byggingar fjölbýlishúsa Stórt verkefni í nýjum miðbæ Selfoss þar sem krafa er gerð um að byggingarnar uppfylli kröfur Svansvottunar. Í ÞH Blikk er kappkostað við að finna bestu leiðir til þess að koma til móts við viðskiptavini í öllum verkefnum. Starfsfólk er virkjað til sjálfstæðis og skipulagðra vinnubragða. Sérstaða fyrirtækisins er fagmennska og vandvirkni í öllum verkferlum.