Landspítali

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Starf hjá símaveri Landspítala - Er góð þjónusta þitt hjartans mál?

Landspítali auglýsir laust til umsóknar starf í þjónustuveri spítalans. Starfið felst í símsvörun, netspjalli og skráningarverkefnum. Í boði er hlutastarf eða fullt starf eftir samkomulagi. Við leitum eftir þjónustuliprum einstaklingi með góða samskiptahæfni sem er sjálfstæður í starfi, með góða tölvukunnáttu og fljótur að læra og tileinka sér hlutina. Góð íslensku- og enskukunnátta er skilyrði. Æskilegt er að umsækjandi geti hafið störf sem fyrst.

Þjónustuver og móttökur heyra undir fasteigna- og umhverfisþjónustu sem tilheyra rekstrar- og mannauðssviði. Þjónustuver og móttökur er þjónustulunduð deild þar sem fjöldi starfsfólks er í kringum 25. Deildin sinnir annars vegar símsvörun og hins vegar móttökustörfum en saman vinnum við að fjölbreyttri og mikilvægri þjónustu við deildir, sjúklinga og gesti spítalans. Starfsfólk starfar eftir þjónustustefnu þar sem markmiðið er að vera til fyrirmyndar í þjónustu. Við bjóðum gefandi starf hjá traustum vinnuveitanda, góðan starfsanda, gott mötuneyti og styttri vinnuviku.

Helstu verkefni og ábyrgð

Símsvörun og upplýsingagjöf til viðskiptavina og starfsmanna Landspítala

Svörun fyrirspurna og upplýsingagjöf í netspjalli

Ýmis skráningarverkefni o.fl. verkefni fyrir deildir spítalans

Menntunar- og hæfniskröfur

Stúdentspróf er æskilegt

Góð almenn tölvukunnátta

Góð íslensku- og enskukunnátta

Önnur tungumálakunnátta kostur

Framúrskarandi þjónustulund, jákvæðni og góð samskiptahæfni

Geta til að starfa sjálfstætt og í teymum

Starfshlutfall: 50-100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6700 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, símavörður, starfsmaður, skrifstofustörf, teymisvinna

Nánari upplýsingar

Reynhildur Karlsdóttir, reynhild@landspitali.is,

Hrafnhildur Jónsdóttir, hrafnhjo@landspitali.is,

Þjónustuver og móttökur

Skaftahlíð 24

105 Reykjavík

Auglýsing stofnuð6. september 2023

Umsóknarfrestur20. september 2023

Starfstegund

Staðsetning

Skaftahlíð 24, 105 Reykjavík

Starfsgreinar

Starfsmerkingar

Fleiri störf (50)

Heilbrigðisritari / skrifstofustarf á verkjamiðstöð Landspít...