Þórbergssetur er með samning um rekstrarstyrk við menningar-, nýsköpunar- og háskólaráðuneytið. Hlutverk Þórbergsseturs samkvæmt skipulagsskrá er : 1. Efla rannsóknir og umfjöllun um ævi, störf og ritverk Þórbergs Þórðarsonar rithöfundar frá Hala í Suðursveit 2. Efla fræðastörf er tengjast söfnun, varðveislu og skráningu menningarminja í Suðursveit og síðar Austur Skaftafellssýslu 3. Miðla þekkingu á fjölbreyttan hátt og standa fyrir fræðslu til ferðamanna og almennings um Þórberg Þórðarson, sögu og mannlíf í Austur Skaftafellssýslu Mikilvægt er að sá sem veiti Þórbergssetri forstöðu sé skapandi í starfi og lögð er áhersla á metnað, framsýni, samvinnu og upplifun sem byggir á íslenskri menningararfleifð og þjóðlegum gildum.