Laus störf Hæfnileit Vinnustaðir Námskeið

Heilbrigðisstofnun Vesturlands

Heilbrigðisstofnun Vesturlands (HVE) veitir íbúum umdæmisins og öðrum, almenna og sérhæfða heilbrigðisþjónustu í samræmi við lög og reglur á hverjum tíma. Lögð er áhersla á virðingu, traust og fagmennsku. Velferð skjólstæðinga skal höfð að leiðarljósi. Stuðlað er að virkri sí- og endurmenntun starfsfólks. HVE tekur þátt í menntun heilbrigðisstétta í samvinnu við Háskóla Íslands, Háskólann á Akureyri og aðrar menntastofnanir. Kjarnastarfsemin skiptist á þrjú málefnasvið eftir meginviðfangsefnum. Heilsugæslusvið Læknisþjónusta, hjúkrun, geðheilbrigðisþjónusta, heilsuvernd, forvarnir, slysa- og bráðaþjónusta og annast sjúkraflutninga. Hjúkrunarsvið starfrækir hjúkrunarrými á starfsvæðinu þar sem slík þjónusta er ekki rekin af öðrum. Sjúkrasvið starfrækir umdæmissjúkrahús, almenn sjúkrarými og endurhæfingu. Heilbrigðisumdæmi Vesturlands nær yfir Akraneskaupstað, Hvalfjarðarsveit, Skorradalshrepp, Borgarbyggð, Eyja- og Miklaholtshrepp, Snæfellsbæ, Grundarfjarðarbæ, Helgafellssveit, Stykkishólmsbæ, Dalabyggð, Reykhólahrepp, Strandabyggð, Kaldrananeshrepp, Árneshrepp og Húnaþing vestra.

Vinnustaðurinn

Starf deildarstjóra fasteigna og tækja Heilbrigðisstofnun Vesturlands (HVE)

Heilbrigðisstofnun Vesturlands auglýsir laust til umsóknar 100% starf deildarstjóra fasteigna og tækja HVE. Um er að ræða fjölbreytt og ábyrgðarmikið starf sem snýr að rekstri og viðhaldi fasteigna og búnaðar stofnunarinnar. Starfsstöð deildarstjóra er á Akranesi.

Næsti yfirmaður er framkvæmdastjóri fjármála og rekstrar.

HVE rekur fjölbreytta heilbrigðisþjónustu og hefur starfsemi og fasteignir á átta starfsstöðvum: Akranesi, Borgarnesi, Ólafsvík, Grundarfirði, Stykkishólmi, Búðardal, Hólmavík og Hvammstanga.

Helstu verkefni og ábyrgð

Umsjón með daglegu viðhaldi fasteigna, umhverfis og tækja.
Samskipti við umsjónarmenn húsnæðis á starfsstöðvum HVE.

Eftirlit með ástandi bygginga, tæknikerfa og tækjum.

Skipulag og eftirfylgni viðhaldsverkefna í samráði við FSRE og aðra hagsmunaaðila.

Skipulag daglegra verkefna deildarinnar.

Samskipti og samvinna við verktaka og þjónustuaðila er þjónusta tæki og búnað.

Tengiliður við FSRE - Framkvæmdasýsla ríkisins / Ríkiseignir.

Þátttaka í gerð viðhaldsáætlana og annast eftirlit með framkvæmdum.

Yfirumsjón með bifreiðum HVE.

Yfirumsjón með vöru og sýnaflutningum innan HVE.

Yfirumsjón með öryggis- og brunavörnum, þ.m.t. öryggisvörðum HVE.

Þátttaka í umbótum og þróun verkferla á sviði fasteigna og tækja.

Menntunar- og hæfniskröfur

Iðnmenntun og / eða tæknimenntun sem nýtist í starfi (t.d. húsasmíði, rafiðn, byggingatækni eða sambærilegt) er skilyrði.

Iðnmeistaranám er æskilegt.

Reynsla af viðhaldi og/eða umsjón fasteigna og tækja er æskileg.

Þekking á tæknikerfum fasteigna er æskileg, svo sem loftræstingum, aðgangskerfum og öryggiskerfum.

Sjálfstæð og skipulögð vinnubrögð.

Framúrskarandi samskiptahæfni og þjónustulund.

Góðir leiðtogahæfileikar, frumkvæði, áreiðanleiki og metnaður til að ná árangri í starfi.

Góð íslenskukunnátta og enskukunnátta skilyrði.

Góð almenn tölvukunnátta.

Vinnustaðurinn / við bjóðum

Áhugavert og fjölbreytt starf hjá öflugri heilbrigðisstofnun.

Starf í góðu samstarfi við fjölbreyttan hóp fagfólks.

Skýr mannauðsstefna um gott samstarf og vinnustaðamenningu.

Heilsustyrkir.

Öflugt sjálfstætt starfsmannafélag.

Tækifæri til að hafa áhrif á þróun og umbætur í rekstri fasteigna.

Laun samkvæmt gildandi kjarasamningi viðkomandi stéttarfélags.

Umsókn

Umsókn skal fylgja starfsferilskrá og kynningarbréf þar sem gerð er grein fyrir menntun og reynslu sem nýtist í starfi ásamt staðfestingu á prófgráðum og upplýsingar um meðmælendur. Umsækjendur skulu sækja um starfið í ráðningarkerfi Orra.

Nánari upplýsingar veitir Halldór Hallgrímsson, deildarstjóri fasteigna og tækja, netfang [email protected] eða Ásgeir Ásgeirsson, framkvæmdastjóri fjármála og rekstrar, netfang [email protected].

Umsóknarfrestur er til og með 15. mars 2026.

Auglýsing birt20. febrúar 2026

Umsóknarfrestur13. mars 2026

Tungumálahæfni