Spennandi sumarstörf Háskóla- Iðn- og Tækninema

Skemmtileg vinna sem skiptir máli

Ert þú í námi og á milli anna? Þá eru sumarstörf nema eitthvað fyrir þig!

Við leitum að áhugasömu og efnilegu ungu fólki eins og þér í fjölbreytt sumarstörf fyrir háskóla-, iðn- og tækninema.

Í boði eru spennandi störf á nær öllum sviðum fyrirtækisins og starfsstöðvum okkar um landið. Starfsstöðvar Landsvirkjunar eru í Reykjavík, á Sogssvæði, Þjórsársvæði, í Fljótsdal, Mývatnssvæði, við Láxárstöðvar og Blöndustöð. Kynntu þér þau fjölbreyttu störf sem eru í boði á heimsíðu okkar !

Þú munt taka þátt í raunverulegum og krefjandi verkefnum á sviði endurnýjanlegrar orkuvinnslu og vinna með okkur að því að ná kolefnishlutleysi á næstu árum. Við leggjum mikið upp úr jákvæðum starfsanda og jöfnum tækifærum.

Landsvirkjun er orkufyrirtæki í eigu íslensku þjóðarinnar og vinnur rafmagn úr endurnýjanlegum orkugjöfum, vatnsafli, jarðvarma og vindi. Hjá fyrirtækinu starfa rúmlega 300 manns, víða um land. Fyrirtækið hefur metnaðarfulla jafnréttis- og mannauðsstefnu, hugar að vellíðan starfsfólks og leggur áherslu á að viðhalda orkumikilli fyrirtækjamenningu.