Fyrirtæki Icelandia eiga sér langa sögu í íslenskri ferðaþjónustu en Reykjavik Excursions er eitt elsta ferðaþjónustu fyrirtæki landsins, stofnað 1968. Icelandic Mountain Guides hafa frá 1994 verið í fararbroddi íslenskra ferðaþjónustufyrirtækja á sviði afþreyingar, göngu- og fjallaferða. Félögin eru brautryðjendur á sínum sviðum og sinna ferðamönnum með ólíkri þjónustu sem spannar allt frá rútuferðum til sérsniðinna ævintýraferða. Þekking, öryggi, fjölbreytni og traustur grunnur sameinar fyrirtækin undir merki Icelandia. Hjá Icelandia starfa yfir 400 einstaklingar sem leggja sig fram við að veita framúrskarandi þjónustuupplifun. Við leitum að áhugasömu starfsfólki sem nýtir þekkingu og reynslu í daglegum störfum í jákvæðu starfsumhverfi. Fyrirtækið er ISO 14001 vottað og er það markmið okkar að nálgast náttúruna með sjálfbæra þróun að leiðarljósi.