Laus störf Hæfnileit Vinnustaðir Námskeið

STOÐ

Stoð er rótgróið þjónustufyrirtæki á heilbrigðissviði, stofnað 1982. Markmið Stoðar er að bæta lífsgæði með því að bjóða upp á heildarlausnir fyrir einstaklinga með fötlun, áverka og sjúkdóma og þá sem vilja fyrirbyggja heilsufarsvandamál. Auk þess að þjónusta og veita lausnir fyrir heilbrigðisstofnanir. Innan Stoðar starfar samhentur hópur fagfólks á heilbrigðissviði sem vinnur í sameiningu að því að finna bestu lausnirnar fyrir viðskiptavini fyrirtækisins.

Vinnustaðurinn

Spennandi starf á heilbrigðistæknimarkaði

Viltu vera í hópi metnaðarfullra starfsmanna hjá vaxandi fyrirtæki á heilbrigðistæknimarkaði? STOÐ leitar að starfskrafti fyrir hjúkrunarvörur og lækningatæki í fjölbreytt og krefjandi starf viðskiptastjóra.

Starfið hentar einstaklingi sem hefur áhuga á heilbrigðistækni, nýtur þess að byggja upp traust viðskiptasambönd og vill hafa raunveruleg áhrif á innleiðingu og notkun lausna í heilbrigðisþjónustu.

Helstu verkefni og ábyrgð

Markaðssetning á hjúkrunarvörum og lækningatækjum til heilbrigðisstofnana
Innleiðing á nýjum vörum auk fræðslu og eftirfylgni
Tengslamyndun og gott samstarf við viðskiptavini
Samskipti við erlenda birgja
Greining vaxtartækifæra í verkefnum tengd nýjum spítala
Þátttaka á ráðstefnum og fundum innanlands og erlendis
Útboðs- og tilboðsgerð
Vörustýring og þátttaka í þróun vöruframboðs

Menntunar- og hæfniskröfur

Hjúkrunarfræði eða önnur heilbrigðismenntun er skilyrði
Þekking á sviði lækningatækja, tækni og hugbúnaðalausna er kostur
Reynsla af sambærilegu starfi eða á heilbrigðisstofnunum er kostur
Frumkvæði, drifkraftur og jákvætt viðmót
Góðir skipulagshæfileikar og metnaður til að ná árangri í starfi
Færni í mannlegum samskiptum
Mjög góð íslensku- og enskukunnátta er skilyrði

Umsóknarfrestur er til og með 15. mars 2026

Umsókn skal fylgja ítarleg ferilskrá og kynningarbréf þar sem fram koma ástæður þess að sótt er um starfið og rökstuðningur fyrir hæfni viðkomandi til starfsins.

Nánari upplýsingar um starfið veita Stefán Karl Sævarsson, deildarstjóri, [email protected] og Birkir Svan Ólafsson, mannauðsstjóri, [email protected]

Stoð og MEDOR sameinuðust í mars 2026 undir nafninu STOÐ. Sameinað fyrirtæki er leiðandi í ráðgjöf, sölu og þjónustu á lækninga-, hjúkrunar- og rannsóknarvörum og þjónustar m.a. sjúkrahús, heilbrigðisstofnanir, apótek og rannsóknastofur í líftækni, efnagreiningu og lyfjaiðnað. Öll starfsemin er til húsa á Draghálsi.

Auglýsing birt4. mars 2026

Umsóknarfrestur15. mars 2026

Tungumálahæfni