Software Engineer (AI & Data) - Jónsbók

Taktu þátt í að móta framtíð lögfræðilegrar gervigreindar

Jónsbók er fyrirtæki sem er að móta framtíð lögfræðilegrar gervigreindar á Íslandi, Ungverjalandi og brátt fleiri Evrópulöndum. Við byggjum hugbúnaðarvöru sem nýtir nýjustu tækni í gervigreind til að aðstoða lögmenn og lögfræðinga við störf sín.

Vegna stóraukinna umsvifa leitum við að öflugum liðsfélaga í tækniteymi Jónsbókar.

Ef þú vilt vinna í umhverfi þar sem þú getur haft raunveruleg áhrif, mótað vöruna og tekið þátt í einum hraðast vaxandi hugbúnaðarsprota á Íslandi, þá er þetta tækifærið fyrir þig.

Sem hluti af tækniteymi Jónsbókar munt þú:

• Vinna með tungumálalíkön (LLM) og þróa gervigreindarkerfi sem skilja flókinn lögfræðilegan texta

• Hanna og útfæra gagnalíkön sem styðja við flóknar lögfræðilegar fyrirspurnir

• Tryggja að við notum nýjustu og bestu eiginleika tungumálalíkana, agentic verkfæri og fleiri tækniframfarir

• Þróa LLM-agenta sem geta unnið sjálfstætt að flóknum verkefnum

• Hanna skilvirkar leitaraðferðir og gagnavinnslu

• Hanna og þróa notendaviðmót þar sem gervigreind er í forgrunni

• Skrifa próf og tryggja gæði kerfisins

Þú gætir passað í hópinn ef þú:

• Hefur reynslu af hugbúnaðarþróun (bakenda, framenda eða AI/ML/DS) í Python og/eða Typescript

• Hefur reynslu af smíði og viðhaldi á gagnapípum og annari gagnavinnslu

• Hefur reynslu eða áhuga á UI/UX hönnun og þróun

• Hefur mikinn áhuga á því að vinna að þróun hugbúnaðar þar sem nýjasta LLM/agentic tækni kemur við sögu

• Ert fljót/ur að tileinka þér nýja tækni og verkferla

• Þrífst í óvissu og hefur gaman af því að leysa vandamál þar sem lausnin er ekki augljós

• Tekur ábyrgð, sýnir frumkvæði og hefur skoðun á því hvernig hlutir eru gerðir

Við ætlumst ekki til að umsækjendur uppfylli öll framangreind tæknileg skilyrði.

Kostir sem gætu gert þig að sterkum umsækjanda:

• Reynsla af þróun gervigreindar hugbúnaðar

• Reynsla af vinnu með LLM og helstu framework á því sviði

• Hæfni og vilji til að starfa þvert á gagna, gervigreindar og framendateymi. Ekki er þó gert ráð fyrir sérfræðiþekkingu á öllum sviðum.

Hjá Jónsbók færð þú:

• Að taka þátt í spennandi ferðalagi hjá ört vaxandi sprota

• Að þróa hugbúnað með notendur á Íslandi og á erlendum mörkuðum

• Að vinna með nýjustu tækni í gervigreind

• Að vera í fremstu röð við að móta hvernig gervigreind er notuð í lögfræði

• Samkeppnishæf kjör og möguleika á hlutabréfaréttindum fyrir rétta aðila