Sölustjóri / Sales Manager
Laugarás Lagoon er staðsett í Laugarási, í grennd við Iðubrú í Bláskógabyggð og opnar fyrir gesti næsta sumar.
Baðstaðurinn mun innihalda tveggja hæða baðsvæði, gufuböð, hituð með jarðvarma úr uppsprettu í þorpinu, og kalda laug með jökulvatni úr Hvítá. Þökk sé víðfeðmu útsýni yfir ána, skóglendi, sveitir og fjöll skapast þar töfrandi samspil slökunar og nándar við náttúruna. Á veitingastaðnum Ylja verður boðið upp á fjölbreytt og árstíðabundið úrval veitinga með áherslu á að nýta hráefni úr nærsveitum.
Við leitum að sölustjóra til að ganga til liðs við okkur í uppbyggingu, kynningu og sölu á Laugarás Lagoon. Þetta er einstakt tækifæri fyrir sölusérfræðing með reynslu úr ferðaþjónustunni, sem hefur ástríðu fyrir að kynna og selja ógleymanlegar upplifanir í íslenskri náttúru. Starfið býður upp á sveigjanlega staðsetningu á starfstöð.
· Þróa og innleiða kraftmikla sölustefnu til að kynna baðlónið sem heillandi áfangastað.
· Skipuleggja og framkvæma söluaðgerðir sem ná til mismunandi markhópa.
· Byggja upp og viðhalda sterkum tengslum við ferðaskrifstofur og ferðaskipuleggjendur.
· Sækja ferðatengda viðburði og sýningar og kynna áfangastaðinn, á Íslandi og erlendis.
· Greina söluþróun, fylgjast með sölugögnum og vinna að stöðugum umbótum á sölu og sýnileika.
· Vinna náið með öðru starfsfólki til að tryggja samræmda nálgun í kynningu og upplifun fyrir gesti.
· Háskólanám í viðskiptum, markaðsfræði, ferðamálafræði eða tengdum greinum, eða sambærileg starfsreynsla.
· Hæfni til að vinna með öðrum og skapa góð tengsl, bæði innanhúss og utan.
Færni í að koma upplýsingum á skilmerkilegan hátt á framfæri, bæði á íslensku og ensku (önnur tungumál kostur).
· Geta til að greina tækifæri og loka viðskiptum.
· Reynsla af starfi innan ferðaþjónustunnar og þekking á B2B og B2C sölu.
· Skipulagshæfni og sjálfstæði í vinnubrögðum.
· Þekking á aðferðum til að byggja upp og viðhalda samböndum við viðskiptavini.
· Ferðavilji til að sækja viðburði og halda kynningar.
Íslenska
Enska
