Sölustjóri Origo / Sales director

Við leitum að öflugum og metnaðarfullum leiðtoga til að leiða sölustarf Origo ehf. Í vöru- og þjónustuframboði Origo eru örugg rekstrarþjónusta, framúrskarandi hugbúnaðarlausnir, ráðgjöf og sérverkefni í stafrænni vegferð marga stærstu fyrirtækja og stofnana landsins.

Sem sölustjóri gegnir þú lykilhlutverki í tekjumyndun fyrirtækisins, færð tækifæri til að þróa áfram og leiða sölustefnu fyrirtækisins og taka þátt í vexti þess. Þú verður hluti af nýju stjórnunarsviði Sölu- og markaðsmála en þar starfar sterkt teymi með áherslu á árangur, framþróun og fagleg vinnubrögð. Sölusviðið hefur það hlutverk að styðja vörueigendur og tekjusvið til árangurs.

Verkefni og ábyrgð

• Móta og fylgja eftir söluáætlanir í tengslum við markmið félagsins.
• Leiða, þjálfa og styðja söluteymi til að ná framúrskarandi árangri.
• Byggja upp og viðhalda sterkum viðskiptasamböndum við núverandi og nýja viðskiptavini.
• Greina markaðstækifæri og þróa nýjar leiðir til að ná markmiðum fyrirtækisins.
• Vinna þvert á einingar fyrirtækisins til að samræma sölustarf við markaðssetningu og viðskiptaþróun.
• Halda utan um söluáætlanir, sölumælingar, greiningar og skýrslugerð til stjórnenda og tekjusviða.

Við leitum að:

• Reynslu af sölu og sölustjórnun, sérstaklega innan B2B og tækni.
• Frábærri hæfni til að leiða, hvetja og þróa söluteymi.
• Reynslu og árangri í samningagerð og viðhaldi viðskiptasambanda.
• Hæfni til að greina og skapa þekkingu úr gögnum.
• Frumkvæði, skipulagshæfni og markviss nálgun við að ná sölumarkmiðum.

Ef þú hefur brennandi áhuga á sölu, forystu og tækni, hvetjum við þig til að sækja um og taka þátt í vegferðinni með okkur.

Um Origo

Origo er þekkingar- og nýsköpunarfyrirtæki í upplýsingatækni. Sérhæfing okkar felst í því að skapa og reka örugga innviði og þróa lausnir sem hagræða og einfalda fólki dagleg störf. Betri tækni sem bætir líf fólks. Hjá okkur starfa um 300 manns sem stöðugt þróa lausnir með það markmið að tryggja árangur viðskiptavina okkar, sem eru um þúsund talsins.

Umsóknarfrestur er til og með 25. október.

Allar umsóknir og fyrirspurnir verða meðhöndlaðar sem trúnaðarmál og þeim svarað. Nánari upplýsingar veita sérfræðingar á mannauðssviði Origo.