Hvammsvík

Hvammsvík er náttúruperla í miðjum Hvalfirðinum þar sem stefnt er að áframhaldandi uppbyggingu áfangastaðar, bæði fyrir Íslendinga og erlenda ferðamenn. Markmið okkar og sérstaða er að setja náttúruna og umhverfið í fyrsta sæti og öll upplifun mun byggjast á því. Gestir njóta í heitum náttúrulaugum bókstaflega í fjöruborðinu, sem sumar hverjar birtast og hverfa á víxl þar sem Atlantshafið flæðir í og úr laugunum. Þær eru þannig misheitar, allt frá 42C niður í hitastig sjávar.

Vinnustaðurinn

Sölu- og Markaðsstjóri í Hvammsvík

Vilt þú taka þátt í áframhaldandi þróun ferðaþjónustu í Hvammsvík í Hvalfirði?

Hvammsvík Sjóböð fagna brátt eins árs afmæli og hafa móttökurnar verið vonum framar. Til stendur að fjölga húsum í gistingu og auka þjónustuna enn frekar á svæðinu næstu árin.

Til að styðja við vöxtinn og tryggja að við séum að mæta þörfum gesta okkar erum við að leita að reynslumiklum einstakling til að taka yfir stöðu Sölu- og Markaðsstjóra Hvammsvíkur. Viðkomandi ber fulla ábyrgð á allri sölu og tekjuöflun félagsins svo og markaðssetningu Hvammsvíkur bæði innanlands og erlendis. Við leggjum mikla áherslu á að byggja upp öfluga þjónustu og viðburði í einstöku umhverfi og stefnum að því að búa til einstakan áfangastað þar sem bæði innlendir og erlendir gestir geta komið og notið því besta sem völ er á í gistingu, veitingum, margvíslegri heilsusamlegri afþreyingu, útiveru og að sjálfsögðu einstöku náttúrulaugunum í Hvammsvík. Starfið er fjölbreytt og margþætt en það er skilyrði að umsækjendur búi yfir góðri reynslu í stafrænni markaðssetningu og sölu.

Helstu verkefni og ábyrgð

Yfirumsjón með tekjuöflun félagsins

Verðstýring

Samningagerð og samskipti við ferðaskrifstofur og endursöluaðila

Stafræn markaðssetning

Umsjón með markaðssetningu vörumerkja Hvammsvíkur

Gerð sölu- og markaðsáætlana og eftirfylgni

Menntunar- og hæfniskröfur

Háskólamenntun sem nýtist í starfi

Framúrskarandi íslensku- og enskukunnátta í töluðu og rituðu máli

Haldbær reynsla af sölustjórnun og stafrænni markaðssetningu í ferðaþjónustu

Frábærir samskiptahæfileikar og geta til að vinna bæði í teymi og sem einstaklingur

Sjálfstæð og skipulögð vinnubrögð, drifkraftur, frumkvæði, jákvæðni og áreiðanleiki

Umbótasinnaður og lausnamiðaður hugsunarháttur

Starfsstöð er á skrifstofu fyrirtækisins í miðbæ Reykjavíkur með viðveru í Hvammsvík 1-2 daga í viku.

Nánari upplýsingar um starfið veitir Hilmar (hilmar@hvammsvik.com). Við hvetjum áhugasama til að sækja um starfið sem fyrst og biðjum umsækjendur vinsamlegast að láta ferilskrá og kynningarbréf fylgja umsókn.

Auglýsing stofnuð25. maí 2023

UmsóknarfresturEnginn

Starfstegund

Staðsetning

Grófin 1, 101 Reykjavík

Hvammsvík 126106, 276 Mosfellsbær

Hæfni