Smíðakennari - Klettaskóli

Smíðakennara vantar í Klettaskóla, sérskóla fyrir nemendur með þroskahömlun og viðbótarfatlanir. Starfsmenn vinna í teymum og þurfa að hafa góða samstarfs- og samskiptahæfni, vega sveigjanlegir og tilbúnir að takast á við krefjandi en gefandi verkefni.

Klettaskóli er sérskóli fyrir nemendur á aldrinum 6-16 ára með þroskahömlun og viðbótarfatlanir og þjónar öllu landinu. Eitt af hlutverkum skólans er að veita starfsfólki annarra grunnskóla ráðgjöf og kennslufræðilegan stuðning vegna nemenda sem hafa svipaðar námsþarfir og nemendur í Klettaskóla. Nám í Klettaskóla er einstaklingsmiðað og byggt á forsendum og styrkleikum hvers nemanda. Einkunnarorð skólans eru "Menntun fyrir lífið".