Menningar- og íþróttasvið Reykjavíkurborgar

Menningar- og íþróttasvið Reykjavíkurborgar leggur rækt við mannlífið í borginni á fjölbreyttan hátt með rekstri menningarstofnanna og íþróttamannvirkja, ásamt því að styðja við grasrótina í listalífinu, íþróttum og barnamenningu. Sviðið skipuleggur hátíðir í borginni og styður við fjölmarga viðburði og hátíðir sem lífga upp á lífið í borginni allt árið um kring. Um sviðið Menningar og íþróttasvið heldur utan um rekstur borgarsafnanna; Borgarbókasafns, Listasafns Reykjavíkur, Borgarsögusafns sem og rekstur sundlauga borgarinnar, íþróttamannvirkja, hjólabrettagarða og gervigrasvalla. Skrifstofa sviðsins heldur utan um stefnumótun, þróun og faglega stjórnun þeirra fjölbreyttu þjónustu og verkefna sem unnin eru á sviðinu. Á sviðinu er víðtækt samstarf við hagsmunaaðila í lista-, íþrótta- og æskulýðsstarf. Sviðið styður við barnamenningu með fjölbreyttum hætti og styrkir þátttöku barna og unglinga í íþróttastarfi með Frístundakortinu. Umsýsla vegna funda menningar-, íþrótta- og tómstundaráðs er á ábyrgð sviðsins sem og ábyrgð á að ákvarðanir ráðsins komi til framkvæmda.

Vinnustaðurinn

Skrifstofustjóri íþróttaborgarinnar

Reykjavíkurborg auglýsir starf skrifstofustjóra íþróttaborgarinnar á Menningar- og íþróttasviði laust til umsóknar. Um er að ræða nýtt starf á nýju sviði hjá Reykjavíkurborg. Hlutverk sviðsins er meðal annars að fylgja eftir stefnu Reykjavíkurborgar í menningar- og íþróttamálum. Sviðið hefur jafnframt umsjón með samskiptum vegna rekstrarsamninga og styrkja í menningar-, íþrótta- og tómstundamálum og er borgaryfirvöldum til faglegrar ráðgjafar í þeim málaflokkum sem undir það heyra.

Undir sviðið heyra meðal annars, Borgarbókasafn, Listasafn Reykjavíkur, Borgarsögusafn, sundlaugar borgarinnar, Hitt Húsið, Fjölskyldu- og húsdýragarðurinn, Nauthólsvík, Ylströndin, skíðasvæðin, íþróttamannvirki ásamt keppnis- og æfingavöllum á grasi og gervigrasi.

Leitað er að skapandi og metnaðarfullum leiðtoga með skýra sýn og skilning á hlutverki og mikilvægi íþróttamála í fjölbreyttu og krefjandi vinnuumhverfi. Skrifstofustjóri íþróttaborgar er einn af æðstu stjórnendum Menningar- og íþróttasviðs og tekur virkan þátt í stefnumótun og framkvæmd allrar starfsemi á vegum þess. Skrifstofustjóri sinnir verkefnum á sviði íþrótta- og lýðheilsumála og hefur umsjón með rekstri og eftirliti íþróttamannvirkja. Viðkomandi hefur jafnframt umsjón með sértækum verkefnum er varða íþrótta- og lýðheilsumála, bæði undirbúning og framkvæmd þeirra. Skrifstofustjóri stuðlar að nýbreytni og framþróun í málaflokknum í samráði við sviðsstjóra og tekur þátt í ýmsum samstarfsverkefnum þvert á deildir og svið.

Helstu verkefni og ábyrgð

Ábyrgð og eftirlit með rekstri og nýtingu íþróttamannvirkja sem Reykjavíkurborg rekur, í samvinnu við ÍBR og stjórnendur starfsstaða.

Ábyrgð á rekstri æfinga- og keppnisvalla.

Mótun íþróttastefnu, umsjón með framkvæmd og eftirfylgni í samvinnu við skrifstofu stjórnsýslu.

Ábyrgð á verklagsreglum er varða íþróttamál, þar með talið styrkjareglur.

Ábyrgð á tölfræðiupplýsingum og úrvinnslu gagna.

Þátttaka í gerð og eftirfylgni fjárhagsáætlunar fyrir íþróttaborgina.

Eftirlit með því að öryggiskröfum, lögum og reglugerðum, sem í gildi eru hverju sinni, sé framfylgt í íþróttamannvirkjum í samvinnu við öryggisstjóra.

Menntunar- og hæfniskröfur

Háskólapróf sem nýtist í starfi, framhaldsmenntun er kostur.

Árangursrík reynsla af stjórnun og rekstri, þar með talið samningagerð, áætlanagerð og kostnaðareftirliti.

Leiðtogahæfni, frumkvæði, sjálfstæði og skapandi hugsun við verkstjórn og framkvæmd verkefna.

Mikil samskiptafærni og tjáningarfærni.

Hæfni til að vinna fjölbreytt verkefni undir álagi.

Mikil færni í töluðu og rituðu máli á íslensku og ensku.

Hæfni til að koma fram á innlendum og alþjóðlegum vettvangi og miðla upplýsingum á aðgengilegan hátt.

Reynsla af greiningarvinnu, skýrsluskrifum, úrvinnslu og framsetningu flókinna upplýsinga.

Þekking á opinberri stjórnsýslu er kostur.

Menningar- og íþróttasvið býður upp á:

Tækifæri til að móta og þróa starfið og verkefnin.
Krefjandi og skemmtileg verkefni.
Góða liðsheild og góð samskipti.
Samkennd og virðingu.
Áherslu á jafnrétti og fjölbreytileika.
Heilsueflandi vinnustað.
Gott vinnuumhverfi.
Heilsu- og samgöngustyrk.
Sundkort.
Menningakort.

Umsókn skal fylgja starfsferilskrá og kynningarbréf þar sem umsækjandi gerir grein fyrir áhuga og hæfni í starfið.

Sótt er um starfið gegnum heimasíðu Vinnvinn www.vinnvinn.is

Umsóknarfrestur er til og með 1. júní nk.

Nánari upplýsingar um starfið veitir Auður Bjarnadóttir (audur@vinnvinn.is) og Margrét Stefánsdóttir (margret@vinnvinn.is).

Launakjör eru samkvæmt kjarasamningi Reykjavíkurborgar og viðkomandi stéttarfélags. Áhugasamir einstaklingar, óháð kyni, eru hvattir til að sækja um starfið.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Auglýsing stofnuð12. maí 2023

Umsóknarfrestur1. júní 2023

Starfstegund

Staðsetning

Borgartún 12-14, 105 Reykjavík

Starfsgreinar

Starfsmerkingar

Sambærileg störf (12)