Skrifstofustjóri á göngudeild gigtar

Heilbrigðisgagnafræðingur eða einstaklingur með sambærilega menntun óskast til starfa á göngudeild gigtar sem staðsett er á Eiríksgötu 5. Starfið felur í sér mikil samskipti og fjölbreytt og krefjandi verkefni.

Við leitum eftir þjónustuliprum einstaklingi sem er sjálfstæður í starfi og fljótur að læra og tileinka sér nýja hluti. Viðkomandi þarf að hafa góða samskiptahæfni og eiga auðvelt með að vinna í teymi.

Um er að ræða framtíðarstarf, 80% -100% starfshlutfall í dagvinnu. Starfið veitist sem fyrst eða eftir samkomulagi. Við tökum vel á móti nýju samstarfsfólki og veitum góða einstaklingshæfða aðlögun.

Göngudeild gigtar veitir þjónustu til sjúklinga með margvíslega gigtarsjúkdóma en auk göngudeildarstarfsemi fer þar fram dagdeildarþjónusta þar sem lyf eru gefin í innrennsli. Göngudeild gigtar leggur ríka áherslu á áframhaldandi stafræna þróun í göngudeildarþjónustu. Mikil fjölbreytni er í starfi og góð samvinna starfsstétta. Á deildinni starfa tæplega 20 einstaklingar og ríkir þar mjög góður starfsandi. Markvisst er unnið að umbótastarfi og framþróun.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.