Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Skrifstofumaður/ Teymisstjóri blóðlækninga í móttöku dag- og göngudeildar blóð- og krabbameinslækninga

Dag- og göngudeild blóð- og krabbameinslækninga á Landspítala leitar eftir öflugum teymisstjóra skrifstofuþjónustu/ móttöku. Teymisstjórinn ber ábyrgð á daglegum verkefnum einingarinnar í samræmi við stefnu og gildi Landspítala.

Starfið felst m.a. í að vinna að aukinni skilvirkni og öryggi í móttöku- og bókunarþjónustu dag- og göngudeildarinnar sem og öðrum þáttum í nánu samstarfi við deildarstjóra, yfirlækna og annað starfsfólk deildarinnar. Teymisstjóri mun sjá um daglegt skipulag og mönnun, tryggja þjálfun og bestu þekkingu til starfsins á hverjum tíma og vinna með sínu teymi að virkri framþróun þjónustu við ört vaxandi skjólstæðingahóp auk almennra starfa skrifstofumanns í móttöku.

Leitað er að einstaklingi með brennandi áhuga á að vinna með stjórnendum og starfsfólki að skilvirkni, framþróun og öryggi í þjónustu á Landspítala.

Starfshlutfall er 100% og er starfið laust frá 1. september 2025 eða eftir nánari samkomulagi.

Næsti yfirmaður er deildarstjóri dag- og göngudeildar blóð- og krabbameinslækninga.

Menntunar- og hæfniskröfur

Háskólamenntun sem nýtist í starfi s.s. heilbrigðisgagnafræði er kostur

Þekking og reynsla af skrifstofustörfum og/ eða starfsemi sjúkrahúsþjónustu er kostur

Framúrskarandi samskiptahæfileikar

Sýnir fagmennsku, umhyggju og virðingu í samskiptum

Hæfni til að miðla upplýsingum til ólíkra hópa

Sjálfstæð, skipulögð og öguð vinnubrögð og geta til að vinna undir álagi

Hæfileiki til að tileinka sér nýjungar

Góð tölvufærni og áhugi á tækniþróun

Góð íslensku- og enskukunnátta

Helstu verkefni og ábyrgð

Þátttaka í daglegum rekstri og skipulag verkefna í móttöku

Umsjón og eftirlit með bókunum sjúklinga

Skipulagning og samræming á tímabókunum

Tryggja góða nýtingu dag- og göngudeildaraðstöðu og innleiða hugbúnaðarlausnir því tengdu (stofusýn)

Kortlagning og skjalfesting á ferlum er varða bókun sjúklinga á dag- og göngudeild

Umsjón og eftirlit með mælikvörðum og gæðavísum sem þjónustan byggir á

Almenn og sérhæfð ritarastörf í móttöku á deild

Náið samstarf við stjórnendur, gæðastjóra og verkefnastjóra sviðs við uppbyggingu gæðakerfis og skjalfestingu verklags í gæðahandbók Landspítala

Náið samstarf við aðra teymisstjóra skrifstofuþjónustu innan krabbameinsþjónustu með samræmingu verklags að leiðarljósi

Önnur tilfallandi verkefni í samráði við yfirmann

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, heilbrigðisgagnafræðingur, ritari, móttaka, skrifstofustörf

Tungumálahæfni: íslenska 4/5, enska 3/5

Nánari upplýsingar

Þórunn Sævarsdóttir, [email protected], 825-3523

Halldóra Hálfdánardóttir, [email protected], 698 1347

Dag- og göngudeild blóð- og krabbameinslækninga

Hringbraut

101 Reykjavík

Auglýsing birt10. júlí 2025

Umsóknarfrestur28. júlí 2025

Tungumálahæfni

Íslenska

Nauðsyn

Mjög góð

Enska

Nauðsyn

Meðalhæfni

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (43)