Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Skrifstofumaður á lager á skurðstofum

Ertu skipulagður og með góða tölvukunnáttu?

Við óskum eftir skrifstofumanni á lager á skurðstofum Landspítala við Hringbraut, þar starfar 3 manna teymi við umsjón með skurðstofulager. Við leitum að starfsmanni sem hefur gaman að skipuleggja, hefur mjög góða tölvukunnáttu og á gott með að vinna með gögn.

Unnið er í dagvinnu, frá kl. 07:30-15:30 og er starfið er laust eftir samkomulagi. Starfshlutfall er 100%.

Á skurðstofum Landspítala við Hringbraut eru 11 skurðstofur sem þjóna 7 sérgreinum og árlega eru framkvæmdar þar um 10 þúsund aðgerðir. Þar starfa um 90 einstaklingar; hjúkrunarfræðingar, sjúkraliðar, sótthreinsitæknar, skrifstofufólk og sérhæft starfsfólk við fjölbreytt og krefjandi verkefni, sem unnin eru í nánu samstarfi við fagfólk í öðrum sérgreinum. Gagnreynd þekking, viðurkenndir verkferlar, öryggi sjúklinga og teymisvinna eru höfð í fyrirrúmi og er starf sérhæfðs starfsmanns mikilvægur hlekkur í góðri þjónustu við sjúklinga.

Menntunar- og hæfniskröfur

Góð tölvukunnátta skilyrði

Skipulögð, sjálfstæð og öguð vinnubrögð

Jákvætt viðmót og góðir samskiptahæfileikar

Hæfni til að vinna í teymi

Reynsla af sambærilegum störfum er kostur

Helstu verkefni og ábyrgð

Tekur þátt í skipulagi og starfsemi skurðstofulagera þannig að til sé rétt vara, í réttu magni, á réttum tíma

Tryggir skilvirka ferla á vörum og að unnið sé samkvæmt verklagsreglum

Pantanir, vörumóttaka og frágangur vara

Gagnavinnsla vegna lagerhalds

Önnur tilfallandi verkefni

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Sérhæfður starfsmaður, þjónustustörf, lagerstörf, skrifstofustarf

Nánari upplýsingar

Helga Guðrún Hallgrímsdóttir, helgahal@landspitali.is, 824-0760

Skurðstofur H - rekstur

Hringbraut

101 Reykjavík

Auglýsing birt25. september 2024

Umsóknarfrestur9. október 2024

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)