Skrifstofa Vinnuskólans og Skólagarða

Skemmtilegur og hress vinnustaður leitar að liðsauka.

Vinnuskóli Kópavogs starfar í júní og júlí ár hvert. Þar gefst 14 - 17 ára unglingum (fæðingarár 2009 – 2012) kostur á að vinna við fjölbreytt störf hjá bæjarfélaginu. Vinna í skólanum er í senn uppeldi, afþreying og tekjusköpun fyrir unglingana. Í skólanum er unglingum kennt að umgangast verkefni sín, notkun verkfæra og að bera virðingu fyrir samstarfsfólki sínu.

Í Vinnuskólanum og Skólagörðunum starfar um 70 starfsfólk (yfirflokkstjórar, flokkstjórar, aðstoðarflokkstjórar ásamt starfsfólki á skrifstofu). Um 1.400 unglingar starfa í Vinnuskólanum og um 200 börn eru í Skólagörðunum.