Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

Vinnustaðurinn

Skólastjóri við Kvíslarskóla

Mosfellsbær óskar eftir að ráða skólastjóra við Kvíslarskóla. Kvíslarskóli er unglingaskóli fyrir nemendur í 7.-10. bekk og tekur skólastarfið mið af menntastefnu Mosfellsbæjar, Heimurinn er okkar.

Í Kvíslarskóla eru um 360 nemendur og um 60 starfsmenn en skólinn var stofnaður árið 2021 þegar Varmárskóla var skipt í tvo skóla.

Í Kvíslarskóla er lögð áhersla á fjölbreytta kennsluhætti þar sem m.a. hópastarf, tækni, lestur og leiðsagnarnám eru höfð að leiðarljósi. Jafnframt hefur verið horft sérstaklega til þróunarverkefna í skólastarfinu og ber þar hæst „Flipp flopp í skapandi skólastarfi“. Verkefnið einkennist af samþættingu og nýstárlegum vinnubrögðum af hálfu nemenda og kennara auk samspils upplýsingatækni og kennslufræðilegra hugmynda í námi.

Leitað er að metnaðarfullum og lausnamiðuðum einstaklingi sem býr yfir leiðtogahæfileikum og hefur víðtæka reynslu og þekkingu á skólastarfi. Viðkomandi þarf að hafa brennandi áhuga á vellíðan og farsæld barna og unglinga, stjórnun og forystu, framsækinni skólaþróun og framúrskarandi skólastarfi. Mikilvægt er að viðkomandi geti leitt umbætur og framþróun í samræmi við stefnumótun Mosfellsbæjar.

Helstu verkefni og ábyrgð

Veita skólanum faglega forystu og móta framtíðarstefnu hans innan ramma laga og reglugerða og í samræmi við aðalnámskrá grunnskóla.
Leiða og bera ábyrgð á rekstri, þjónustu og daglegri starfsemi skólans.
Hafa forystu um og bera ábyrgð á mannauðsmálum, s.s. ráðningum, vinnutilhögun og starfsþróun.
Bera ábyrgð á og styðja við innleiðingu og samstarf í samræmi við farsældarlög.

Menntunar- og hæfniskröfur

Leyfi til að nota starfsheitið kennari og kennslureynsla.
Viðbótarmenntun í stjórnun eða önnur framhaldsmenntun sem nýtist í starfi.
Reynsla af faglegri forystu á sviði kennslu og þróunar í skólastarfi.
Sjálfstæði í störfum, ríkt frumkvæði, jákvæðni og vilji til þátttöku í þverfaglegu samstarfi.
Færni til að leita nýrra leiða í skólastarfi og leiða framsækna skólaþróun.
Færni í áætlanagerð og fjármálastjórnun.
Framúrskarandi lipurð, hæfni og virðing í samskiptum ásamt góðu orðspori.

Umsóknarfrestur er til 03. apríl 2025

Umsókn skal fylgja yfirlit yfir nám og fyrri störf, afrit af leyfisbréfi, kynningarbréf og greinargerð um framtíðarsýn umsækjanda á skólastarfið.

Laun eru samkvæmt samningi Sambands íslenskra sveitarfélaga og KÍ v/ SÍ.

Nánari upplýsingar um starfið veita Ólöf Kristín Sívertsen, sviðsstjóri fræðslu- og frístundasviðs, [email protected] og Kristján Þór Magnússon, sviðsstjóri mannauðs og starfsumhverfis, [email protected]. Einnig er hægt að hringja í síma 525-6700.

Mosfellsbær leggur áherslu á jafnrétti og hvetur öll áhugasöm til að sækja um starfið.

Auglýsing birt20. mars 2025

Umsóknarfrestur3. apríl 2025

Tungumálahæfni