Tækniskólinn

Tækniskólinn var stofnaður árið 2008 þegar Iðnskólinn í Reykjavík og Fjöltækniskólinn sameinuðust. Skólinn er stærsti framhaldskóli landsins og byggir á langri og merkri sögu sem tengist atvinnulífi landsins á marga vegu.

Vinnustaðurinn

Skólastjóri Raftækniskólans

Tækniskólinn leitar að öflugum leiðtoga í starf skólastjóra Raftækniskólans. Skólinn er undirskóli Tækniskólans þar sem kenndar eru rafiðngreinar. Við leitum að leiðtoga með víðtæka reynslu úr skóla- og atvinnulífinu sem ber umhyggju fyrir nemendum og starfsfólki og hefur brennandi áhuga á skólastarfi og þróun þess.

Helstu verkefni og ábyrgð

Veitir Raftækniskólanum forstöðu
Sér til þess að kennsluhættir og inntak náms sé í fremstu röð hverju sinni
Ber ábyrgð á að kennsla og námsmat sé í samræmi við lög og reglur
Annast innritun, mat á námi og undirbýr útskrift í samvinnu við aðra stjórnendur
Upplýsingagjöf og samskipti við nemendur og forráðafólk
Skipuleggur vinnutilhögun innan skólans og ber ábyrgð á ráðningum kennara og annars starfsfólks
Leiðir umbótastarf og tekur þátt í stefnumótun skólans
Vinnur að þverfaglegu samstarfi innan og utan skóla

Menntunar- og hæfniskröfur

Menntun í rafiðngreinum
Leyfi til að nota starfsheitið kennari skv. lögum nr. 95/2019 er skilyrði
Stjórnunarreynsla og leiðtogahæfileikar
Þekking og brennandi áhugi á skólastarfi
Jákvætt viðhorf, þjónustulund og lipurð í samskiptum
Frumkvæði, eldmóður og skapandi hugsun
Góð íslenskukunnátta í ræðu og riti og góð enskukunnátta
Hreint sakavottorð er skilyrði

Nánari upplýsingar um starfið veitir Anna Jónsdóttir mannauðsstjóri, netfang [email protected]. Með umsókn skal fylgja kynningarbréf og ferilskrá þar sem gerð er grein fyrir ástæðu umsóknar og hæfni viðkomandi til að gegna starfinu.

Við hvetjum öll kyn til að sækja um. Rétt er að taka fram að Tækniskólinn er einkarekinn og því koma nöfn umsækjenda hvergi fram opinberlega.

Auglýsing birt21. mars 2025

Umsóknarfrestur6. apríl 2025

Tungumálahæfni