Borgarbyggð

Borgarbyggð er fallegt, friðsælt og fjölskylduvænt sveitarfélag á Vesturlandi, í nálægð við allt sem skiptir máli. Við leitum eftir öflugum og drífandi einstaklingum sem sýna metnað og frumkvæði í starfi. Borgarbyggð hefur einsett sér að leggja aukna áherslu á notendamiðaða þjónustuhönnun, tækniframþróun og þjónustu við íbúa og viðskiptavini. Í þeirri vegferð sem er framundan ætlum við að efla þjónustu sveitarfélagsins og vera tilbúin að mæta áskorunum framtíðarinnar. Áhersla verður lögð á þverfaglegt samstarf í verkefnamiðuðu umhverfi og frekari þróun innra starfs sem leiði í senn til framúrskarandi þjónustu og öflugs vinnuumhverfis. Gildi Borgarbyggðar í starfsmannamálum eru: virðing, áreiðanleiki og metnaður sem höfð eru að leiðarsljósi í stefnum og markmiðum í starfi.

Vinnustaðurinn

Skólaritari við Grunnskólann í Borgarnesi

Leitað er að einstaklingi sem er tilbúinn að taka þátt í virku og skapandi skólastarfi með nemendum, samstarfsfólki, foreldrum og öðrum þeim er að skólanum koma.

Ritari vinnur náið með skólastjóra og öðrum stjórnendum skólans. Hann hefur umsjón með afleysingum vegna veikinda og fjarveru starfsmanna. Ritari heldur utan um nemendabókhald skólans og í því felst m.a. að geyma og viðhalda upplýsingum um nemendur, vottorð, einkunnablöð og önnur skjöl tengd nemendum til að tryggja réttindi og framgang þeirra. Ritari aðstoðar við innkaup og metur innkaupaþörf með starfsfólki og skólastjóra.

Helstu verkefni og ábyrgð

Dagleg afgreiðsla og símsvörun
Annast skráningu í Mentor
Hefur umsjón með afleysingum vegna veikinda og fjarveru starfsmanna
Sér um pantanir fyrir skólann
Annast skjalavörslu og ýmis konar skýrslugerð
Umsjón með heimasíðu skólans
Annast undirbúning og frágangsvinnu við upphaf og lok skólaárs
Önnur störf sem ritara er falið

Menntunar- og hæfniskröfur

Stúdentspróf eða menntun sem nýtist í starfi
Reynsla af starfi í skóla er kostur og áhugi á umgengni við börn er skilyrði
Íslenskukunnátta á stigi B2 samkvæmt evrópska tungumálarammanum
Góð þekking og færni í helstu forritum Google og Office 365 umhverfinu og góð almenn tölvukunnátta nauðsynleg svo sem forrit eins og wordpress, excel og word
Frumkvæði, sjálfstæð vinnubrögð og hæfni í mannlegum samskiptum
Jákvæðni, ábyrgðarkennd og skipulagshæfni
Rík þjónustulund og samstarfs- og samskiptahæfileikar

Grunnskólinn í Borgarnesi er heildstæður grunnskóli með um 340 nemendur í 1.- 10.bekk og tekur virkan þátt í skólasamfélagi Borgarbyggðar. Skólinn er teymiskennsluskóli og vinnur eftir áherslum Uppeldis til ábyrgðar.

Mikil þróun á sér stað innan Grunnskólans í Borgarnesi og einstakt tækifæri fólgið í því að vera hluti af þeirri sterku og samhentu heild sem starfsfólk skólans myndar.

Launakjör samkvæmt gildandi samningum Sambands íslenskra sveitarfélaga við viðkomandi stéttarfélag.

Umsókn skal fylgja starfsferilskrá með umsagnaraðilum og kynningarbréf.

Vinnutími: Dagvinna.

Starfshlutfall: 100% starf.

Starfssvið: Fjölskyldusvið.

Umsóknarfrestur er til og með: 28. febrúar 2025. Umsækjandi þarf að geta hafið störf eigi síðar en 1. apríl 2025.

Öllum umsóknum verður svarað.

Nánari upplýsingar veitir Guðlaug Erlendsdóttir skólastjóri í síma 433 7400/433 7402 eða á netfanginu [email protected]

Auglýsing birt14. febrúar 2025

Umsóknarfrestur28. febrúar 2025

Tungumálahæfni