Laus störf Hæfnileit Vinnustaðir Námskeið

Vallaskóli, Selfossi

Vallaskóli varð til 1. ágúst 2002 við sameiningu skólanna tveggja á Selfossi, Sólvallaskóla og Sandvíkurskóla. Skólinn er því nýr skóli á gömlum grunni. Vallaskóli er tæplega 600 nemenda skóli í hjarta Selfoss. Sérstaða skólans er m.a. smiðjukennsla á unglingastigi, öflugt list og verkgreinastarf og við skólann er fjölmenningardeild, sjá www.vallaskoli.is. Í skólanum er lögð áhersla á sveigjanlega og fjölbreytta kennsluhætti, jákvæðan aga, einstaklingsmiðað nám, teymisvinnu kennara, ábyrgð nemenda og góða samvinnu allra sem að skólastarfinu koma. Starfsmenn skólans munu taka þátt í stefnumörkun hans sem tekur meðal annars mið af menntastefnu Sveitarfélagins Árborgar sem byggir á hugmyndinni um skólann sem lifandi lærdómssamfélag.

Vinnustaðurinn

Skólafélagsráðgjafi við Vallaskóla

Vallaskóli auglýsir eftir skólafélagsráðgjafa í 100% starfshlutfall frá 1. apríl 2025 eða eftir samkomulagi.

Vallaskóli óskar eftir að ráða skólafélagsráðgjafa í fullt starf. Um er að ræða nýja stöðu vegna innleiðingar laga um samþætta þjónustu í þágu farsældar barna. Viðkomandi þarf að hafa menntun og starfsréttindi félagsráðgjafa ásamt þekkingu á úrræðum bæði ríkis og sveitarfélaga. Vallaskóli er rótgróinn 530 nemenda skóli í Sveitarfélaginu Árborg sem leggur áherslu á jákvæðan aga, fjölmenningarlega kennslu og snemmtæka íhlutun. Rúmlega 100 starfsmenn vinna við skólann.

Í Sveitarfélaginu Árborg búa rúmlega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Nemendaráðgjöf m.a. vegna félaglegs, námslegs og/eða tilfinningalegs vanda
Foreldraráðgjöf vegna nemenda m.a. vegna uppeldis, hegðunarerfiðleika og/eða samskipta innan fjölskyldu
Ráðgjöf og handleiðsla við starfsmenn skóla vegna nemenda
Samþætt þjónusta í þágu farsældar barna, tengiliður skóla
Hafa þverfaglegt samstarf við velferðarþjónustu, heilsugæslu, barnavernd og aðrar stofnanir sem koma að málefnum nemenda.
Sjálfstyrkinganámskeið fyrir minni og stærri hópa
Forvarnavinna í samráði við skólastjóra og þátttaka í mótun forvarnaáætlana
Samvinna við aðila innan skóla og utan sem tengdir eru málefnum einstakra nemenda og/eða nemendahópa
Þátttaka í mótun og þróun úrræða fyrir nemendur
Þátttaka í viðbragðsteymi skólanna sem virkjað er þegar alvarleg mál koma upp
Fundarseta í nemendaverndarráðum skólanna

Menntunar- og hæfniskröfur

Háskólapróf í félagsráðgjöf og starfsréttindi félagsráðgjafa á Íslandi
Þekking og reynsla af viðtalstækni við börn er skilyrði
Þekking og vinnsla með greiningartæki er kostur (s.s. Estermat)
Geta til að nýta viðurkennda vísindalega þekkingu við úrlausn mála
Áhugi á að vinna að velferð barna og ungmenna
Krafa er um lipurð í samskiptum, jákvæðni og sveigjanleika
Hæfni til að tjá sig í ræðu og koma frá sér vönduðum skriflegum texta
Frumkvæði, skipulagshæfileikar og sjálfstæði í vinnubrögðum
Gerð er krafa um vammleysi, s.s. að vera með gott orðspor, að framkoma og athafnir á vinnustað og utan hans samrýmist starfinu

Nánari upplýsingar veitir Páll Sveinsson skólastjóri, [email protected] , eða Þorvaldur H. Gunnarsson aðstoðarskólastjóri, [email protected], sími 480-5850.

Umsóknarfrestur er til og með 24. febrúar 2025.

Umsóknum fylgi yfirlit yfir nám og fyrri störf ásamt greinargóðum rökstuðningi fyrir hæfni í starfið. Umsóknum er skilað á Alfred.is. Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6 mánuði.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Auglýsing birt13. febrúar 2025

Umsóknarfrestur24. febrúar 2025

Tungumálahæfni