Hafnarfjarðarbær

Hafnarfjarðarbær er þriðja stærsta sveitarfélag landsins og þar starfa um 2000 manns. Áhersla er lögð á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði.

Vinnustaðurinn

Skóla- og frístundaliðar í frístundaheimilið Lækjarsel - Lækjarskóli

Lækjarskóli óskar eftir að ráða skóla- og frístundaliða í 30 - 50% starf fyrir skólaárið 2023-2024 í frístundaheimilið Lækjarsel.

Um er að ræða starf sem felur í sér stuðning og aðstoð við nemendur í frístundaheimilinu Lækjarseli eftir hádegi alla virka daga. Eftir að hefðbundnum skóla lýkur geta nemendur í 1. - 4. bekk farið í frístundaheimilið Lækjarsel. Starfsemi Lækjarsels er í skólanum. Lækjarsel býður upp á fjölbreytt tómstundastarf til klukkan 17:00, alla virka daga, óháð getu, þroska eða fötlun barna. Sérstök áhersla er lögð á að koma til móts við alla hópa.

Í tómstundamiðstöðinni er starfsemi frístundaheimilis fyrir 6-9 ára börn og félagsmiðstöð fyrir 10-16 ára börn.

Helstu verkefni og ábyrgð

Starfar með nemendum með sértækan vanda

Aðstoðar við almennt bekkjarstarf undir leiðsögn kennara

Starfar í frístundaheimili og á sumar- og leikjanámskeiðum

Tekur á móti nemendum og aðstoðar

Sinnir gangavörslu og eftirliti með húsnæði og búnaði, heldur göngum og snyrtingum snyrtilegum yfir daginn

Aðstoðar í matsal og við undirbúning matmálstíma

Fylgist með og aðstoðar börnin í leik og starfi

Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur

Reynsla af starfi með börnum er æskileg

Íslenskukunnátta skilyrði

Almenn tölvukunnátta

Mikill áhugi og metnaður til að starfa með börnum

Uppbyggjandi í samskiptum, sveigjanleiki og mikil samstarfshæfni

Frumkvæði og sjálfstæði í vinnubrögðum

Stundvísi og samviskusemi

Nánari upplýsingar um starfið veitir Bjarnveig Dagsdóttir, deildarstjóri Tómstundamiðstöðvar í gegnum netfangið bjarnveig@laekjarskoli.is eða Guðbjörg Dögg Gunnarsdóttir skólastjóri, dogg@laekjarskoli.is.

Launakjör eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika.

Auglýsing stofnuð18. september 2023

Umsóknarfrestur2. október 2023

Starfstegund

Staðsetning

Sólvangsvegur 4, 220 Hafnarfjörður

Starfsgreinar

Starfsmerkingar

Fleiri störf (20)