Skemmtilegt sumarstarf við umönnun barns

Velferðarsvið Kópavogs leitar eftir starfsfólki í skemmtilegt sumarstarf við að aðstoða tíu ára dreng úr Kópavogi og sjá um persónulegar þarfir heima fyrir. Drengurinn er með sjaldgæfan sjúkdóm sem kallast lissencephaly, notast við hjólastól og þarfnast aðstoðar við allar athafnir daglegs lífs.

Um hlutastarf á vöktum er að ræða. Viðkomandi þarf að geta unnið aðra hvora helgi og vaktir á virkum dögum, getur þó komið fyrir að það þurfi að vinna tvær helgar í röð en fá þá tvær helgar í frí á móti. Vaktir eru oftast frá 16:30-22:30 á virkum dögum eða 22:30-07:30. Helgarvaktir eru frá 9:00-16:00 og 16:00-23:00 og 23:00-09:00. Gott væri ef að einstaklingur geti tekið næturvaktir, bæði um helgar og á virkum dögum.

Ef þú hefur gaman af að vinna með börnum og til í að prófa skemmtilegt og spennandi starf við fjölþætta umönnun er þetta starfið fyrir þig.