Skemmtileg hlutastörf í frístundaheimilum í Grafarvogi

Frístundamiðstöðin Brúin óskar eftir starfsfólki í frístundaheimilin Hvergiland í Borgaskóla, Regnbogaland í Foldaskóla, Simbað sæfara í Hamraskóla og Tígrisbæ við Rimaskóla.

Í boði eru hlutastörf 20-50% eftir hádegi, milli klukkan 13-17.

Skóla- og frístundasvið Reykjavíkurborgar starfrækir frístundaheimili við alla grunnskóla borgarinnar og býður upp á fjölbreytt frístundastarf þegar hefðbundnum skóladegi 6-9 ára barna lýkur.

Meginmarkmið starfsins er að efla félags- og samskiptafærni barna í gegnum leik og starf. Þar starfa frístundaráðgjafar og frístundaleiðbeinendur en þeir eru lykillinn að því að veita íbúum fyrsta flokks þjónustu.

Frístundamiðstöðin Brúin starfrækir 10 frístundaheimili í Árbæ, Grafarholti og Grafarvogi.