Skólamatur

Skólamatur ehf. er fjölskyldufyrirtæki sem sérhæfir sig í framleiðslu og framreiðslu á hollum og ferskum mat, elduðum frá grunni fyrir leik- og grunnskóla. Skólamatur ehf. var stofnað í janúar 2007. Fyrirtækið er í eigu Axels Jónssonar matreiðslumeistara sem hefur áratuga reynslu af alhliða veitingarekstri. Hjá Skólamat starfa um 200 starfsmenn. Starfsmannavelta fyrirtækisins er lág og starfsaldur hár. Rúmlega helmingur núverandi starfsmanna hefur unnið í 5 ár eða lengur hjá fyrirtækinu. Skólamatur leggur áherslu á að skapa fjölskylduvænt vinnuumhverfi þar sem hæfileikar, þekking og reynsla hvers starfsmanns fær að njóta sín. Við leggjum áherslu á símenntun og fræðslu og að starfsmenn fái tækifæri til þess að eflast og þróast í starfi. Markmið Skólamatar er að ráða, efla og halda hæfu og reynslumiklu starfsfólki. Gildi Skólamatar eru: Jákvæðni, fjölskylda og virðing.

Vinnustaðurinn

Skarðshlíðarleikskóli - mötuneyti

Komdu að vinna fyrir mikilvægasta fólkið!

Skólamatur leitar að jákvæðu og duglegu starfsfólki í mötuneyti sitt í Skarðshlíðarleikskóla sem staðsettur er inní Skarðshlíðarskóla í Hafnarfirði.

Vinnutíminn er frá kl: 8:00 -14:00 alla virka skóladaga.

Starfið felst í undirbúningi fyrir morgunmat, hádegismat og síðdegishressingu, afgreiðslu máltíða og frágangi ásamt léttum þrifum i eldhúsi. Starfsmenn mötuneyta panta inn af pöntunarvef Skólamatar og senda inn dagsskýrslur.

Menntunar- og hæfniskröfur

· Áhugi á mat og matargerð er mikill kostur.

· Reynsla úr sambærilegu starfi æskileg.

· Menntun sem nýtist í starfi kostur.

· Góð íslenskukunnátta skilyrði.

· Jákvæðni, snyrtimennska, stundvísi og sjálfstæð vinnubrögð.

· Geta til þess að vinna undir álagi.

Fríðindi í starfi

· Vinnufatnaður.

· Íþróttastyrkur.

· Samgöngustyrkur.

· Fjölskylduvænn vinnustaður.